Gert Günther Hoffmann (* 21. Februar 1929 in Berlin-Lankwitz; † 17. November 1997 in Feldafing) weer en düütsch Schauspeler, Synchroonsnacker un Synchroonregisseur. Över Johrteihnten weg weer he en vun de populärst düütsch Synchroonsnacker för utlännsch Filme un Serien. He wurr un wurrd ok immer noch as „König vun de düütsch Synchroonsnacker“ betekent.
Leven un Wark Hoffmann hett en Lehre as Koopmann maakt, is denn aber as Spreker to’n Berliner Rundfunk wesselt. Neben Rudolf Platte un Gytta Schubert is he in dat Berliner Hebbel-Theater in de Kummedie Das Geld liegt auf der Bank uptreeden. 1951 kreeg he en Filmrull in Das Bankett der Schmuggler. Groot Rullen kreeg Hoffmann aber bi Theater un Film nich. He hett dorum sien beroplichen Swoorpunkt up de Synchronisatschoon vun Filmen verlagert.
An’n fakensten hett he Sean Connery, William Shatner (as Captain Kirk), Michel Piccoli, Lex Barker (Old Shatterhand un Kara Ben Nemsi), Paul Newman un Rock Hudson sien markant Stimm leeht. Ebenso weer he ok woll mal bi Rullen vun Franco Nero (Django), Patrick McGoohan, Frank Sinatra, Kirk Douglas, Clint Eastwood (Il buono, il brutto, il cattivo (Zwei glorreiche Halunken), Marlon Brando (Meuterei auf der Bounty), Terence HillTerence Hill up spencerhilldb.de, afropen an’n 2. November 2020 (Allein gegen das Gesetz) un Charles Tingwell (Vier Frauen und ein Mord) in’n Insatz. In Serien hett he Patrick Macnee (Mit Schirm, Charme und Melone), Francis Matthews (as Paul Temple in de glieknamig Feernsehreeg) un Raymond Burr as Perry Mason snackt. Buterdem weer he de Vertellstimm in de Tekentrickreeg Der rosarote Panther („Heute ist nicht alle Tage, ich komm’ wieder, keine Frage!“) as ok Verteller un Stimm vun den Hööftdorsteller in den Filmklassiker Moby Dick (1956).
As he 1970 vun West-Berlin nah München umtrucken is, gung dat ok mit sien Schauspeelkarriere weer bargup. He hett elf Johr lang de Rull vun den Kriminalhauptmeister Matofski in de ARD-Krimireeg Sonderdezernat K1 övernommen. 1972 speel he in dat SR-Feernsehspeel Tod im Studio up www.dra.de, afropen an’n 2. November 2020 as ok 1976 in den Speelfilm Der starke Ferdinand en Hööftrull. Gert Günther Hoffmann is 1997 nah lang Krankheit in dat Öller vun 68 Johren storven. He wurr up den Karkhoff in Oberhaching bisett.knerger.de: Dat Graff vun Gert Günther Hoffmann
Filmografie as Schauspeler 1952: Das Bankett der Schmuggler (Le Banquet des fraudeurs) 1954: Das ideale Brautpaar 1955: Liebe ohne Illusion 1959: Am Tag, als der Regen kam 1960: Das Fenster zum Flur 1960: Brennender Sand 1961: Lebensborn 1961: Hoffnung ist ein Ding mit Federn 1961: Ihr schönster Tag 1964: Hafenpolizei (Reeg) – Die Dame aus Hongkong 1965: Es geschah in Berlin 1966: Um null Uhr schnappt die Falle zu 1966: Ein Mädchen von heute 1967: Crumbles letzte Chance 1967: Keine Leiche ohne Lily 1968: Die fünfte Kolonne (Reeg) – Eine Million auf Nummernkonto 1968: Ich spreng’ Euch alle in die Luft – Inspektor Blomfields Fall Nr. 1 1970: Eine Kugel für den Kommissar (Serie Der Kommissar) 1971: Stückgut 1971: Das Geld liegt auf der Bank 1972: Tod im Studio (Fernsehfilm) 1972–1982: Sonderdezernat K1 (Serie) 1973: Lokaltermin (Reeg) – Die schwarze Hand 1974: Die 7-Tage-Woche des Drahtwebers Rolf Pichotta 1975: LH 615 – Operation München 1975: Heimkehr (Reeg Motiv Liebe) 1976: Der starke Ferdinand 1977: Es muß nicht immer Kaviar sein (Reeg 1977: Heinrich Zille 1981: Der Fuchs von Övelgönne (Reeg) 1983: Hanna von acht bis acht 1984: Die Verführung (Derrick, Folge 110) 1984: Das leise Gift 1985: Flüstermord (Reeg Der Alte) 1994: Tatort – Geschlossene Akten 1996: Außer Dienst (Reeg SOKO 5113)
Ludografie 1995: Shannara
Weblinks
Indrag bi Filmportal.de Indrag in de Düütsch Synchroondatei Hörprooven: Gert Günther Hoffmann för Lex Barker
Enkeld Nahwiesen
Kategorie:Mann Kategorie:Börger von Düütschland Kategorie:Boren 1929 Kategorie:Storven 1997 Kategorie:Schauspeler Kategorie:Synchroonsnacker