mini|Nicolai Hanson, 1899 mini|Dat Graff vun Hanson an dat Kap Adare 1899 Nicolai HansonAf un to wurrd sien Naam ok falsch as Nicolai Hansen oder Nikolai Hansen schreven. (* 24. August 1870 in Kristiansund; † 14. Oktober 1899 an dat Kap Adare, Antarktika) weer en norweegsch Zooloog un Polarforscher. He weer de eerste Minsch, de up dat antarktisch Fastland begraven wurr.
Leven Nicolai Hanson wurr 1870 as öldste Söhn vun den Schippsmakler Anton Hanson (* 1836) un de sien Fru Sophie Hanson (* 1844) in Kristiansund bboren.Volkstellen van 1885, afropen an’ 20. Dezember 2013 He hett Biologie bi Robert Collett (1842–1913) an de Universität Kristiania studeert un stell ansluutend in Nordnorwegen Präparate för de Sammlungen vun dat British Museum in London un dat Zoologisch Museum Oslo her. Collett weer dat ok, de den jungen Wetenschapler för de Southern-Cross-Expedition in de Antarktis vörslahn hett.Report on the Collections of Natural History made in the Antarctic Regions during the Voyage of the „Southern Cross“, London 1902, S. 79 (engelsch) De Baas vun disse private, dör den Verleger Sir George Newnes (1851–1910) betallt Expeditschoon, Carsten Egeberg Borchgrevink, hett hüm as Zoologen un Präparater instellt. Up de Överfohrt is is Hanson in‘ September 1898 swoor an [Typhus]] krank wurrn, hett sück aber bit to de Ankunft in de Antarktis vullständig verhaalt.Carsten Egeberg Borchgrevink: Nærmest sydpolen aaret 1900, Gyldendal, Kopenhagen un Kristiania 1905, S. 44 (däänsch) De Expeditschoon hett 1899 an dat Kap Adare in Victorialand överwintert. Hanson, de en öövten Jäger un Skilöper weer, hett de Tiet dorto bruukt, um mit Hülp vun sien Assistenten Hugh Evans (1874–1975) en umfangriek Sammlung vun Präparaten vun de antarktisch Deertenwelt antoleggen. In‘ Juli is Hanson, vermootlich an fuchtig Beriberi, verstärkt dör sien vörherig Darminfektschoon krank wurrn.H. R. Guly: ‘Polar anaemia’: cardiac failure during the heroic age of Antarctic exploration (PDF; 131 kB). In: Polar Record 48, 2012, S. 157–164. (engelsch) He is an‘ 14. Oktober 1899 storven un wurr an‘ 20. Oktober hooch över dat Kap Adare an en Platz bestatt, den he sülvst utwählt hatt.Louis Bernacchi: To the South Polar regions, Hurst and Blackett, London 1901, S. 185 (engelsch) He wurr as eerst Minsch up den Südkontinent (antarktisch Fastland) begraven. Hanson hett sien Fru un sien lütt Dochter Johanne Hanson Vogt (1898–1999) achterlaaten.En miskjent polarhelt in Aftenposten van’n 13. Dezember 2008 (norweegsch), afropen an’n 20. Dezember 2013
Dat Graff vun Hanson wurr 1902 vun Robert Falcon Scott sien Discovery-Expedition besöcht.Robert Falcon Scott: The Voyage of the Discovery. Bd. 1, Smith, Elder & Co, 1905, S. 102 Teihn Johr later hull de Noordgrupp vun de Terra-Nova-Expedition an dat Kap Adare Utkiek nah hör Schipp. De Bootsmann Frank Vernon Browning (1882–1930) hett dat Graff sauber maakt un legg mit witt Quarzsteenkers up swaart Grund ut Basalt den Schrifttoog „Hanson“ as ok en witt Krüüz.Raymond E. Priestley: Scott’s Northern Party, Dutton, New York 1915, S. 60 Hüüd steiht dat as historsch Denkmal HSM-23 ünner de Schuul vun den Antarktisverdrags.HSM 23: Hanson’s Grave in de Antarctic Protected Areas Database up de Website vun dat Sekretariat vun den Antarktisverdrag (engelsch, spaansch, franzöösch, russisch), afropen an’n 20. Dezember 2013
Wetenschaplich Nahlaat Hanson sien zoologische Präparate wurrn nah de Rückkehr vun de Southern Cross in‘n Oktober 1900 an dat Natural History Museum övergeeven, Um de wetenschaplich Notizböker, de Hanson luut Louis Bernacchi, den Meteorologen vun de Expeditschoon, up dat Doodslager an Borchgrevink övergeeven harr, keem dat to’n Striet tüschen dat Museum un Borchgrevink, de apenlich in de Presse utdragen wurr.Where are Hanson’s Notebooks? in Auckland Star van’n 20. September 1902 (engelsch), afropen an’n 21. Dezember 2013 Dat de Notizen verschullen bleeven, hett de Toordnung vun de Präparate, de wietgahnd unbeschrift weern, düchtig stuur maakt. Dat Museum hett sück dorum an de Wittfru vun Hanson wennd, de sien persönlich Daagbook, sowiet dat biologische Beobachtungen enthollen dee, freegeven hett. 902 wurrn de zoologischen Ergevnisse vun de Southern-Cross-Expeditischon vun den Museumsleiter Ray Lankester as Report on the Collections of Natural History made in the Antarctic Regions during the Voyage of the „Southern Cross“ up över 300 Sieden herutbrocht.
Ehrungen De 1255 m hooch Barg Hanson Peak (), de söss Kilometer südlich vun Kap Adare liggt, erinnert an Nicolai Hanson. (engelsch) George Albert Boulenger hett den Antarktisdorsch Trematomus hansoni nah hüm nömmt.
Weblinks Hanson’s Grave – the loneliest grave on earth (engelsch) Nicolai Hanson sien Daagbook, fangt in August 1898 an (PDF; 6,8 MB, norweegsch)
Enkelt Nahwiesen
Anmarken
Kategorie:Mann Kategorie:Börger von Noorwegen Kategorie:Boren 1870 Kategorie:Storven 1899 Kategorie:Polarforscher Kategorie:Zooloog