duum|Page 2015 Elliot Page (* 21. Februar 1987 in Halifax, Neeschottland, Kanada) is en kanaadschen Schauspeler un Filmproduzent. Bet 1. Dezember 2020 hett Page as Ellen Page (Ellen Grace Philpotts-Page) na buten as Fro leevt, hett denn aver bekannt maakt, dat he trans is un in Tokumst as Mann leven un ansehn warrn will.
Leven duum|Page in en Stratenschilleraats in Binckhorst (in de Rull as Vanya Hargreeves) In en Öller von teihn Johr is Page mit de Schauspeleree anfungen. Noch in’t sülve Johr keem de eerste grote Rull in’n Pilootfilm to de kanaadsche Feernsehreeg Pit Pony. För de Rull as Maggie MacLean is Page dat eerste Maal för Filmpriesen nomineert worrn. Dorna kemen noch mehr kanaadsche Feernseh-Produkschonen, Feernsehregen un Independent-Filmen. 2005 hett Page in Hard Candy Hayley Stark dorstellt, en 14 Johr ole Deern, de över dat Internett en vullwussen Mann kennenlehrt, de achter minnerjohrige Deerns achterher is.
Mit X-Men: The Last Stand hett Page in de Rull as Kitty Pryde/Shadowcat in’n Sommer 2006 in’n eersten Blockbuster mitspeelt un kunn sik internatschonaal etableren. 2007 hett Page in de kanaadsche Produkschoon The Tracey Fragments mitspeelt, von de Schrieversche Maureen Medved ünner Speelbaas Bruce McDonald, de mit Page al in de Feernsehreeg ReGenesis tohooparbeidt harr. In An American Crime hett Page de Rull as Sylvia Likens övernahmen, de von ehr Pleegmoder, dorstellt von Catherine Keener, doodquäält warrt. Düsse Film weer inspireert von en Kriminaalfall, de 1965 in Indiana för Opsehn sorgt harr.
Blangen de Rull in X-Men hett Page vör allen de Rull as de 16 Johr ole Schölerin Juno in’n Film Juno vöranbröcht. In düsse Hööftrull hett Page an de Sied von Michael Cera un Jennifer Garner en Teenager speelt, de unwullt swanger warrt. In düssen Film singt Page tohoop mit Cera den Moldy-Peaches-Titel Anyone Else but You, mit den de beiden an’n 26. Januar 2008 för twee Weken in de US-Charts instegen sünd un dor op Platz 91 kemen. De Filmsoundtrack keem op Platz 1 von de US-Album-Charts. 2008 weer Page för düsse Rull för’n Oscar in de Kategorie best Schauspeler/in nomineert. 2010 weer Page an de Sied von Leonardo DiCaprio in’n Heist-Movie Inception to sehn mit de Rull as Droom-Architektin Ariadne. 2012 keem Woody Allen sien To Rome With Love mit de Rull as Monica, de en jung Poor meist dorto bringt, sik to trennen. Bi de Independent Spirit Awards un bi de MTV Movie Awards hett Page den Pries in de Kategorie best Künstler/in wunnen. In’n Mai 2014 hett Page in’n Film X-Men: Days of Future Past wedder de Rull as Kitty Pryde/Shadowcat speelt.
In dat PlayStation-3-Videospeel Beyond: Two Souls, dat 2013 rutkeem, weer Page tohoop mit Willem Dafoe to sehn.
An’n 14. Februar 2014 hett Page op en Kunferenz von de Human Rights Campaign in Las Vegas bekannt maakt, lesbisch to leven. Page hett sietdem jümmer wedder as Repräsentant von de Human Rights Campaign un in Interviews apen över de Problemen snackt, de dat Leven vör dat Coming Out mit sik bröch.Paul Wrusch: „Zu viel Mobbing, zu viele Suizide“. In: die Tageszeitung, 15. Februar 2014. Page see, sik besünners in de Rull von homosexuelle Figuren (to’n Bispeel in Freeheld) wohl to föhlen un sik to frein, wenn dat dorto wedder Gelegenheit geven dee. Liekers see Page ok, dat dat kränken dee, wenn heterosexuelle Schauspelers in homosexuelle Rull „Kraasch“ tospraken warrt, wieldes dat nich daan warrt, wenn en homosexuelle Person en heterosexuelle Rull spelen dee. Von September 2015 bet Anfang 2017 harr Page en Beziehung mit de Künstlerin Samantha Thomas. In’n Januar 2018 hett Page de Danzerin un Choreografin Emma Portner freet, nadem de beiden siet Sommer 2017 en Poor weren.
Dat US-amerikaansche Time-Magazin hett Page 2019 in’n Artikel Meet 15 Women Leading the Fight Against Climate Change as een von 15 Froonslüüd vörstellt, de vörn mit dorbi gegen den Klimawannel gegenangaht.
Siet 2019 speelt Page ok de Rull as Vanya Hargreeves in de Netflix-Reeg The Umbrella Academy;
An’n 1. Dezember 2020 hett Page över Social Media bekannt geven, transgender to ween un sik wünscht, dat Lüüd em Elliot nöömt un em mit de engelschen Pronomen he („he“) oder they (ok in’n Singular geslechtsneetraal) ansnackt.Elliot Page: @elliotpage. In: Instagram. 2. Dezember 2020, afropen an’n 3. Dezember 2020 (engelsch); Zitaat: .
Filmografie mini|Page op dat Toronto International Film Festival 2009 1997: Pit Pony 1999: Pit Pony (Feernsehreeg) 2001: Trailer Park Boys (Feernsehreeg) 2002: Rideau Hall (Feernsehreeg, Piloot) 2002: Marion Bridge 2002: The Wet Season 2003: Mrs. Ashboro’s Cat 2003: Touch & Go 2003: Homeless to Harvard: The Liz Murray Story 2003: Going for Broke 2003: Love That Boy 2004: Mouth to Mouth 2004: I Downloaded a Ghost 2004: Wilby Wonderful 2004: ReGenesis (Feernsehreeg) 2005: Hard Candy 2006: X-Men: The Last Stand 2007: The Stone Angel 2007: An American Crime 2007: The Tracey Fragments 2007: Juno 2008: Smart People 2009: Whip it 2009: Vanishing of the Bees 2009: The Simpsons (Feernsehreeg, Stimm) 2010: Inception 2010: Peacock 2010: Super 2012: To Rome With Love 2013: The East 2013: Touchy Feely 2013: Out There (Tekentrickreeg, Stimm, Episood 1x10) 2014: X-Men: Days of Future Past 2015: Into the Forest (ok Produzent) 2015: Freeheld 2016: Window Horses: The Poetic Persian Epiphany of Rosie Ming (Stimm) 2016–2017: Gaycation (Dokumentatschoon) 2016: Tallulah 2017: Flatliners 2017: The Cured 2017: My Days of Mercy (ok Produzent) 2019: Tales of the City (Minireeg) siet 2019: The Umbrella Academy (Feernsehreeg)
Videospelen
2013: Beyond: Two Souls
Priesen Johr Pries Kategorie Film/Reeg wat dor rutsuurt is 2000 Gemini Award Best Performance in a Children’s or Youth Program or Series Pit Pony 2002 Young Artist Awards Best Performance in a TV Drama Series – Leading Young Actress 2003 ACTRA Maritimes Award Outstanding Performance – Female Marion Bridge 2003 Gemini Award Best Ensemble Performance in a Comedy Program or Series Trailer Park Boys 2004 Atlantic Canadian Award Outstanding Performance by an Actor – Female Mrs. Ashboro’s Cat 2004 Gemini Award Best Performance in a Children’s or Youth Program or Series 2005 Best Performance by an Actress in a Featured Supporting Role in a Dramatic Series ReGenesis 2006 Fangoria Chainsaw Award Relationship from Hell Hard Candy 2006 Creepiest Kid 2007 Atlantic Canadian Award Beste Schauspelerin The Tracey Fragments 2007 Austin Film Critics Award Beste Schauspelerin Hard Candy 2007 Online Film Critics Society Award Beste Nawussdorstellerin 2007 Chlotrudis Award Beste Schauspelerin 2007 Empire Award Beste Nawussdorstellerin 2007 Satellite Award Beste Hööftdorstellerin (Komödie/Musical) Juno 2007 Austin Film Critics Award Beste Schauspelerin 2007 Chicago Film Critics Association Award Beste Schauspelerin 2007 Toronto Film Critics Association Award Beste Schauspelerin 2007 Las Vegas Film Critics Society Award Beste Schauspelerin 2007Florida Film Critics Circle Award Beste Schauspelerin 2007 Pauline Kael Breakout Award 2007 Gotham Award Breakthrough Award 2007 Phoenix Film Critics Society Award Breakthrough on Camera 2007 Hollywood Film Festival Beste Nawussdorstellerin 2007 National Board of Review Beste Nawussdorstellerin 2007 WAFCA Award Beste Nawussdorstellerin 2007 New York Film Critics Circle Award Beste Schauspelerin 2007 San Diego Film Critics Society Award Beste Schauspelerin 2007 Southeastern Film Critics Association Award Beste Schauspelerin 2007 DFWFCA Award Beste Schauspelerin 2008 Oscar Beste Hööftdorstellerin 2011 MTV Movie Award Beste Bangbüx Inception 2011 Saturn Award Beste Hööftdorstellerin 2013 SpikeTV Video Game Awards – VGX 2013 Beste Synchroonsprekerin Beyond: Two Souls
Jugend
In’n Öller vun teihn Johren hett Page de Schauspeleree entdeckt. Noch dat sülve Johr kreeg he de eerste groote Rull in’n Pilotfilm vun de kanadische Feernsehserie Pit Pony (Wenn der Mond zur Sonne wird). De Speel as Maggie MacLean hett Page de eersten Nominatschoon för Filmpriesen inbröcht. Sietdem kamen ok wietere kanadsche Produkschoonen, Serien un Independent-Films. Page hett 2005 mit de Speel vun Hayley Stark, een veerteihnjohrige Deern, in Hard Candy Opmarksamkeit kregen, de över dat Internet enen Utwassenen kennenlehrt, de op de sülve Wies junge Minderjöhrige achteran geiht. Weblenken
Footnoten
Kategorie:Schauspeler Kategorie:Börger von Kanada Kategorie:Boren 1987 Kategorie:Mann