De Belize People’s Front (BPF) is en polietsche Partei in Belize, de sik 2012 billt hett. De Partei hett ehren Seet in San Ignacio/Santa Elena un de Parteibaas is Nancy Marin (Stand 2020).
Programm
Dat Parteiprogramm is sozialistisch.
Historie
De Partei hett sik 2012 billt. De Initiative güng von Nancy Marin ut.
Wahlen
De Partei is toeerst bi de Parlamentswahl 2020 antreden. De 17 Kannedaten, de de Partei in de 31 Wahlkreise von Belize opstellt hett, hebbt bi de Wahl 0,55 % von de Stimmen kregen. De Partei kunn dormit keen Kannedaten in dat Repräsentantenhuus bringen.
Dat beste Resultaat harr Eber Misael Herrador in’n Wahlkreis Orange Walk Süüd mit 2,02 % von de Stimmen.
Weblenken
Websteed von de Partei (engelsch)
Kategorie:Partei Kategorie:Belize