De Schauen & Kaufen GmbH (mehrstendeels schauen & kaufen schreven, op Platt also so veel as kieken un köpen) is en düütsch Ünnernehmen, dat en Reeg Märkt in Noorddüütschland (Sleswig-Holsteen un Noordoost-Neddersassen) bedrifft un dor Sonnerposten verköfft. De Sitt is in Noordersteed in de Ooststraat 58. Dat Ünnernehmen harr Stand 2013 över 120 Lüüd in Lohn un Brood.
Dat Ünnernehmen is in’t Vörjohr 1983 von Conrad Fühner grünnt worrn.30 Jahre schauen & kaufen, Hadler Kurier an’n 3. April 2013, Sied 8 De eerste Laden weer in Altno un hett schauen & kaufen — Mode- und Sonderpostenmarkt heten. 1986 keem dor de twete Filiaal in Heensteed-Ulzborg to. De letzte ne’e Filiaal weer 2015 de in Noorddörp.Nicola Dultz-Klüver: "schauen & kaufen" lockt mit günstigen Angeboten, Wochenblatt an’n 7. Mai 2015 Kort vörher harr de Filiaal in Doberan (Mekelborg-Vörpommern) dichtmaakt., Ostsee-Zeitung an’n 18. März 2015 Ok de Filiaal in Altno (Bahrenfeller Strat 134) hett in de Midd von de Johren 2010 dichtmaakt. Stand 2015 weren dat 17 Filialen (Arfd, Beuken, Büsen, Cuxhoben, Grömitz, Hanerau-Hamaschen, Heensteed-Ulzborg, Hemmoor, Himmelpoorten, Kropp, Marn, Noorddörp, Obbens, Stood, Süderbrarup, Wischhoben un Wisteed).
Dat Sortiment reckt över Mood, Drogerieartikel, Levensmiddel, Schrievworen, Speelworen, Malersaken, Warktüüg, Elektroartikel, Saken för Fohrrad un Auto, Huusholtsworen, Deko, Geschenkartikel un Saken för’n Goorn.
Footnoten
Kategorie:Ünnernehmen Kategorie:Düütschland