Hans-Joachim Lorenz (* 18. Oktober 1935 in Halverstidde) is en plattdüütschen Schriever.
Lorenz is 1935 in Halverstidde boren. He güng dor von 1942 bet 1945 op de Volksscholen II un III. An’n 8. April 1945 is de Familie bi de Luftangreep op Halverstidde utbombt worrn un denn bi Verwandte in Slanstidde ünnerkamen. Dor hett Lorenz bet 1950 de Volksschool besöcht un is denn op de Doom- un Raadsschool in Halverstidde wesselt, op de he bet 1954 weer. Lorenz hett denn 1954 bet 1960 Chemie an de Martin-Luther-Universität Halle studeert un is Diplom-Chemiker worrn. Tosätzlich hett he 1965 sien Dokter (Dr. rer. nat.) maakt. He hett von 1964 bet 2001 as Laborbaas un wetenschoplichen Mitarbeider in verscheden Inrichtungen von dat Gesundheitswesen in Bernborg, Meideborg, Soltgitter un Geesthacht arbeidt.
Siet 1990 schrifft Lorenz op Platt. He hett den Vereen Arbeitskreis Ostfälisches Platt mit in’t Leven ropen un weer Vörsitter von’n Vereen. Von 1991 bet 2011 weer he Maat von’n Vörstand bi’n Landsheimatbund Sassen-Anholt, von 2002 bet 2014 Maat von de Arbeidsgrupp Nedderdüütsch bi dat Kultusministerium Sassen-Anholt un von 2002 bet 2014 för dat Land Sassen-Anholt Maat von’n Bundesraat för Nedderdüütsch. 1991 weer he Mitgrünner von’n Heimatvereen „St. Martinus“ Slanstidde un dor ok Vörsitter.
Lorenz is siet 1961 verheiraadt un hett twee Söhns.Hans Joachim Lorenz:
Ehren
Lorenz hett an’n 9. November 2011 de Verdeenstmedallje von’n Verdeenstorden von de Bundsrepublik Düütschland kregen.
Footnoten
Kategorie:Mann Kategorie:Boren 1935 Kategorie:Schriever Kategorie:Börger von Düütschland Kategorie:Börger von de DDR