De Donau (rumäänsch Dunărea, kroaatsch Dunav, bulgaarsch un serbisch Дунав, ungaarsch Duna, slowaaksch Dunaj, latiensch Danubius, ingelsch Danube) is de tweetlängste Stroom in Europa. Se is rund 2.840 km lang, rekent af Donaueschingen btw. rund 2.890 km af de Breg-Born.
Laag
De Donau is de enigste grote Stroom in Europa, de vun West na Oost löppt. Se kümmt tostann bi de Stadt Donaueschingen, wo de lütten Strööm Brigach und Breg tosomenfleten. Dat meest Water kümmt vun de Iller (130 %), Inn (110 %), Lech (60 %), Isar (45 %), Drau (40 %) und Save (35 %).
In den böversten Verloop sackert en Deel Water in den Kalksteen, dor wo de Donau dör de Schwäbische Alb dörbreekt. Denn geiht dat dör Karsthöhlen ünner de Eer na Süden. Na 14 km kümmt dat denn in den Aachtopf wedder na baben. Dor fangt de Aach an, de in den Bodensee un dormit in de Rhien fleet.
De Donau löppt dör 10 Länner: Düütschland, Österriek, Slowakei, Ungarn, Kroatien, Serbien, Rumänien, Bulgarien, Moldawien, un Ukraine.
Na 2.852 km fleet de Donau in Rumänien un de Ukraine in dat Donau-Delta, wat in dat Swatte Meer geiht. Dat Afströömrebeed is ca. 817.000 km2 groot.
De böverste Deel vun de Donau, vun’n Born bit na Ulm, is de Obere Donau.
Binnenschipperee
För de Binnenschipperee ward de Donau in dree Delen indeelt: Bövere Donau vun Kelheim bit Komárom/Komárno Middeldonau vun Komárom bit Turnu Severin Ünnere Donau vun Turnu Severin bit na dat Swatte Meer Sulina Dör den Main-Donau-Kanal is de Donau mit den Rhien verbunnen, dat gifft en dörgehend Waterstraat vun de Noordsee bit an dat Swatte Meer.
gröttere Städer an de Donau thumb|470px|Donau bi Wien Düütschland
Ulm Ingolstadt Regensborg Deggendorf Passau
Österriek Linz Mauthausen Enns Grein Melk Dürnstein Krems Tulln Wien
Slowakei Bratislava
Ungarn Budapest Baja
Kroatien Vukovar Ilok
Nevenströöm
Linke Nevenströöm Brigach, Blau, Wörnitz, Altmühl, Schwarze Laaber, Naab, Regen, Ilz, Erlau, Ranna, Gr. Mühl, Kl. Mühl, Kamp, March, Waag, Gran, Ipoly (Eipel), Theiß, Jiu, Olt, Ialomiţa, Sereth, Pruth
Rechte Nevenströöm Rot, Riß, Iller, Günz, Mindel, Zusam, Schutter, Lech, Paar, Ilm, Abens, Grode Laaber, Isar, Vils, Inn, Traun, Enns, Ybbs, Traisen, Wien, Schwechat, Fischa, Leitha, Raab, Drau, Save, Morava, Timok, Iskar, Jantra
Weblenken https://web.archive.org/web/20130903180418/http://www.fg.vs.bw.schule.de/doztg/fbgdn/fa-donau.pdf Webprojekt Obere Donau http://www.danube-river.org/de_home.html
Kategorie:Stroom