Antonio „Chendo“ Urbina Sr. († 29. November 2018) weer en Diplomaat un Politiker (UDP) ut Belize.
Urbina weer toeerst Schoolmeester in Orange Walk un hett in San Lazaro leevt. Tosätzlich weer he Grünner von de Hannelskeed A and R in Belize. As Schoolmeester is he in’n September 1986 Baas von dat Corozal Junior College worrn, dat to de Tied nee apenmaakt harr.
Bi de Parlamentswahl in Belize 2008 weer he Kannedaat för de UDP in’n Wahlkreis Orange Walk Zentraal. He hett 45,85 % von de Stimmen kregen un kunn sik dormit nich gegen Johnny Briceño von de PUP dörsetten.
Von 2008 bet 2012 weer he as Nafolger von Salvador Figueroa Badschopper von Belize in Mexiko mit Seet in Mexiko-Stadt. 2012 hett Oliver del Cid em aflööst.
Bi de Parlamentswahl 2012 weer he UDP-Kannedaat in’n Wahlkreis Orange Walk Süüd, kunn sik mit 46,34 % von de Stimmen aver ok hier nich dörsetten gegen Jose Abelardo Mai von de PUP.
He weer ok Direkter von dat Belize Tourism Board.GOB extends condolences on passing of Rosendo Urbina, Breaking Belize News an’n 30. November 2018
Urbina is in de Nacht von’n 29. op’n 30. November 2018 doodbleven, nadem he al en Tied an Kreeft leden hett.RIP Rosendo, 7 News Belize an’n 30. November 2018 Siene Truurfier weer an’n 4. Dezember in de La Inmaculada Church in Orange Walk., Channel 5 Belize an’n 4. Dezember 2018 He weer verheiraadt mit Tomasa Urbina.
Ehren
To Neejohr 2003 is he Member of the Order of the British Empire worrn.
Footnoten
Kategorie:Mann Kategorie:Politiker (Belize) Kategorie:Diplomaat (Belize) Kategorie:Börger von Belize Kategorie:Boren in dat 20. Johrhunnert Kategorie:Storven 2018 Kategorie:Maat von de United Democratic Party (Belize)