Missingsch is en Mischmasch vun Hoochdüütsch un Plattdüütsch. De Städer in de dat Missingsch snackt warrt, sünd Hamborg, Builefeld, Bremen, Chöttingen un annere Städer, inst ook Danzig un annere Städer.
Wokeen mal en Kostproob hebben will wo Missingsch sik anhören doot, de schall sik man mal en Stück vun dat Ohnsorg-Theater in’t Feernsehn ankieken. De Stücken för dat Feernsehn warrt mehrst nich op Platt maakt man op Missingsch, so dat alle Lüüd dat verstaht. Blots Platt köönt de Lüüd so ut dat Feernsehn nich lehren.
Missingsche Wöör in de Hambörger Region
Männich plattdüütsche Wöör sünd an de hochdüütschen Regeln anpasst worrn, bi anner is dat woll nich neudig wesst. Un ’n poor ole hochdüütsche Wöör hebbt in't Missingsch överleevt.
Anpasste Wöör ut dat Plattdüütsche
Berg (platt: Barg, hooch: Hügel) einholen (platt: inholen, hooch: einkaufen) Fahrtuch (platt: Fohrdook, hooch: Wischtuch) flöten (platt: fleiten, hooch: pfeifen) Grünhöker (platt: Gröönhöker, hooch: Gemüsehändler) Handstein (platt: Handsteen, hooch: Waschbecken) kleen (platt: klein) Klöterbüchse (platt: Klöterbüss, hooch: Rassel) Reetstock (hooch: Rohrstock) Schnack (platt: Snack) Wurzeln (platt: Woddeln, hooch: Möhren)
Ole hochdüütsche Wöör
ausverschämt (platt: utverschaamt, niedütsch: unverschämt) Fliederbeeren (platt: Fledderbeern, niedütsch: Holunderbeeren)
Plattdüütsche Wöör
Balje (hooch: Zuber) Bickbeern (hooch: Heidelbeeren) Fleet (hooch: Fließ) klötern (hooch: klingeln) Kroonsbeern (hooch: Preiselbeeren) man (hooch: nur) pliern (hooch: blinzeln) Pompesel (hooch: Rohrkolben) Schiet (hooch: Dreck) Toonbank (hooch: Ladentisch)
Danziger Missingsche Wöör
lackieren (anner Bedüden) meiern Mittenmang Pojatz posematucheln Knubbel quasseln sabbern schlackern schnorren Wucht (anner Bedüden) wuscheln (anner Bedüden) zockeln
Lieke Formen
In’t Ruhrrebeet gifft dat ok en Mischmasch vun Hoochdüütsch un Nedderdüütsch, wat vele Lüüd snackt. Ok in annere Delen vun Düütschland gifft dat lieke Formen, to’n Bispeel dat Neu-Altmärkisch in Sassen-Anholt un dat Eberswolder Kanaldüütsch in Brannenborg.
Kategorie:Kontaktvarietät Kategorie:Plattdüütsch Kategorie:Hoochdüütsch