FLN Frisia-Luftverkehr (kört FLN) is en düütsch Regionalfloogsellschop mit Sitt in Nörden un Basis up den Floogplatz Nörden-Nörddiek. Se is en Bedriev vun de Reederee Nörden-Frisia.
Geschichte In‘n Oktober 2014 wurr de Floogsellschop Luftverkehr Friesland Harle vullständig övernommen, de ünner de Marke Inselflieger in de Apenlichkeit bekannt weer. De Marke „Die Inselflieger“ wurrd siether vun de gesamten FLN bruukt. To disse Marke hörrn ok de Sellschoppen, de de Floogplätze Harle un Baltrum bedrieven.
Floogteelen FLN bedrifft ganzjohrig en Bedarfsfloogverkehr mit fast Affloogtieden vun’n Floogplatz Nörden-Nörddiek to’n Floogplatz Juist un vun‘n Floogplatz Harle to’n Floogplatz Wangeroog. Aber se bütt ok Bedarfsflüüg to de anner Oostfreesch Inseln as ok Daagutflüüg to’n Floogplatz Helgoland un Rundflüüg an. Dorneben is se ok in’n Charterfloogverkehr tätig.
Flotte Mit Stand Juni 2019 besteiht de Flotte vun de FLN ut 15 Floogtüüch:
Floogtüüchtyp Antahl bestellt Anmarken Passagierplätze Britten-Norman BN-2 Islander 9 8 Cessna 182T 4 3 Cessna 172XP 2 Gesamt 15 –
Unfälle FLN hett in hör Geschichte twee Floogtüüch verloren:
An‘n 12. Januar 1979 gung en Britten-Norman BN-2 Islander (Luftfohrtüüchkennteeken D-IEDA) bi en Unfall up Juist verloren.Statistik, afropen an’n 14. Mai 2020
An‘n 18. Mai 1983 gung en wiedere BN-2 Islander (Luftfohrtüüchkee´nnteeken D-IOLT) bi en Unfall in Sleswig verloren. Statistik, afropen an’n 14. Mai 2020
Weblinks
Indrag bi Aviation Safety Network (engelsch) Webpräsenz vun de FLN
Enkeld Nahwiesen
Kategorie:Flooglien Kategorie:Düütschland Kategorie:Neddersassen Kategorie:Oostfreesland Kategorie:Landkreis Auerk