miniatur|De huütige Üawerbüörgermester Pit Clausen, 2009 In Builefeld gaff et erst Büörgermester, läder Üawerbüörgermester un tüskenduür auk buabenrin no Üawerstadtdirekters. Düsser Artikel beschruiwet iare Geschichte.
Geschichte In den ersten Johren vun Builefeld gaff et in de Aultstadt äinen Richter, den de Lannesherr insett hadde. Suit 1243 kann enner auk nen Rot nowuisen, der teogluike auk dat Schöffenkollegium was. Den Vorsitt hadde äin Richter, de män dovor insett was. Iawer 'nen Büörgermester is erst 1265 wat schruiwen weoren. Läder gaff et 'nen Rot, de dagen daie, un doteo no äinen „aulen Rot“. In de Nuigstadt gaff et suit 1317 'nen Rot med 'nem Büörgermester. Siewen bet niagen Luüe saide in düssen Rot. 1510 weoren "Nuig"- und "Aultstadt" tohaupe leggt, un 1520 weor de Verwalten ümmebobbet. Vun do an weor jäidet Johr de Büörgermester insett un de Rot wialt. Af den 16. Johrhunnert wören Däile vun den Rot teogluike auk Schöffen. 1719 ännerte de Küöning vun Preußen de Verwalten, un et gaff denn äinen Magistrat med twäi Büörgermestern, äinem Kämmerer, äinem Sekretär, väir Rotsherren un sess Vorstehern. Dat weor denn erst 1831 wuir ännert. Vun do an gaff et blaut no äinen Büörgermester, de läder Üawerbüörgermester häide.
mini|Nuiget Rothius Teo de Tuit vun den Nazis weor de Üawerbüörgermester vun de NSDAP insett. No den twäiten Weltkruig dai de engelske Militärregairung äinen nuigen Üawerbüörgermester insetten, un 1946 forde se de Kommunalverfassung no britiskem Vorbeld in. De Rot dai teoerst iut suine Medden de Üawerbüörgermester un äinen Üawerstadtdirekter wialen. De Üawerbüörgermester was 'n Ehrenamt, de hauptamtlike Üawerstadtdirekter was teostännig for de Stadtverwalten.
Suit 1994 gifft et blaut nau den niu hauptamtliken Üawerbüörgermester. Häi hät den Vorsitt in'n Rot un is Bos vun de Stadtverwalten. Suit 1999 wert häi nich mäir vun den Rot, owwer vun den Büörgern wialt.
Büörgermester 1780–1812: Florens Consbruch 1812–1817: Conrad Wilhelm Delius 1817–1831: Ernst Friedrich Delius 1831–1834: Adam Junkermann (kommissarisch, wuil de Rot med Jakob Dietrich Kurlbaum nich inverston was) 1835–1853: Friedrich Wilhelm Eduard Körner 1853–1857: Friedrich Clairant Krohn 1857–1881: Ludwig Huber 1881–1910: Gerhard Bunnemann
Üawerbüörgermester (af 1930) 1910–1932: Rudolf Stapenhorst 1932–1935: Paul Prieß 1935–1945: Fritz Budde, NSDAP 1945–1946: Josef Niestroy 1946–1952: Artur Ladebeck, SPD 1952–1954: Hermann Kohlhase, FDP 1954–1961: Artur Ladebeck, SPD 1961–1962: Rudolf Nierhoff, CDU 1963–1975: Herbert Hinnendahl, SPD 1973–1973: Hanns Winter, (Staatskommissar, mosse owwer auk datsülwe maken os äin Üawerbüörgermester)Neue Westfälische: Kragenkreis war chancenlos - Vor 40 Jahren übernahm ein Staatskommissar die Regierung in Bielefeld, vom 4. Januar 2013, afreopen an'n 10. April 2020 1975–1989: Klaus Schwickert, SPD 1989–1994: Eberhard David, CDU 1994–1999: Angelika Dopheide, SPD 1999–2009: Eberhard David, CDU seit 21. Oktober 2009: Pit Clausen, SPD
Üawerstadtdirekters Vun 1946 bet 1994 gaff et in Builefeld den hauptamtliken Üawerstadtdirektor un den ehrenamtliken Üawerbüörgermester no britiskem Vorbeld.
1946–1959: Eberhard Vincke 1959–1974: Heinz-Robert Kuhn 1974–1978: Herbert Krämer 1978–1983: Eberhard Munzert 1984–1987: Klaus Meyer 1987–1994: Volker Hausmann
Kuik auk Geschichte vun Builefeld
Enßelnowuise
Kategorie:Builefeld