Kairo (André Raymond: Cairo – City of History, AUC-Press, 2000, ISBN 977-424-660-8, S. 37.) is de Hööftstadt van Ägypten un de gröttste Stadt van de araabsch Welt. Se is 969 van den fatimidschen Feldherrn Dschauhar as-Siqillī grünnd wurrn.
Kairo is dat politische, wertschapliche un kulturelle Zentrum van Ägypten un de araabsch Welt. De Stadt is Seet van de ägyptisch Regeeren, dat Parlamt as ok van all staatlichen un religiösen Zentraalbehörden (Mogamma) un tallriek diplomatisch Vertretungen. Kairo is de bedüüdenste Verkehrsknüttpunkt van Ägypten un hett tallriek Universitäten, Hoochscholen, Theater, Museen un Baudenkmäler. De Oltstadt van Kairo is en Ensemble van islaamsch Baukunst un wurrd siet 1979 van de UNESCO as Weltkulturarv anerkannt.UNESCO: Indrag van de Oltstadt in de Weltarvlist van de UNESCO De Stadt hett den Status van en Gouvernements un wurrd van en regeert, de van den Staatspräsidenten nömmt wurrd.
Kairo hett 9,1 Millionen Inwahner in dat administrativen Stadtrebeet (2017) un de Metropolregion is mit etwa 16,2 Millionen Inwahner (2009)World Gazetteer: [ Bevölkerung der Metropolregion] vör Lagos in Nigeria de gröttste in Afrika. In Ägypten gifft dat aber kien Meldeplicht, weswegen de angeeven Inwahnertallen blots hoochrekent wurrn sünd. Man schätzt, dat in de Metropolregion um de 25 Millionen Minschen leven, wat meest en Drüddel vun de Gesamtbevölkerung van Ägypten is.Geo-trotter.com: Urbanisation galopante, van’n 2. Oktober 2006.
Dicht bi Kairo befinnen sück de Pyramiden van Gizeh.
Weblinks
Indrag to Kairo in de DNB
Enkeld Nahwiesen
Kategorie:Oort Kategorie:Stadt Kategorie:Ägypten Kategorie:Hööftstadt