duum|Mt Shinn (4611) op’n Koortenbladd De Mount Shinn is mit de drüddhöögste Barg in de Antarktis. He liggt wat noorden von Mount Vinson in de Sentinel Range von de Ellsworthbargen in Ellsworthland, Westantarktika. Över en Pass sünd düsse beiden Bargen verbunnen. Dat Advisory Committee on Antarctic Names hett em 1961 na Conrad Selwyn Shinn (* 1922) nöömt, de Piloot von de United States Navy weer un de mit en Douglas DC-3 an’n 31. Oktober 1956 as eersten Minsch an’n geograafschen Süüdpool lannt is. Shinn hett in’n Januar 1958 ok bi en Luftopklärungsfloog in’n Rahmen von dat Internatschonale Geophysikaalsche Johr Mount Shinn opdeckt.
De eersten, de op’n Barg ropkladdert sünd, weren an’n 21. Dezember 1966 Barry Corbet, Charles Hollister, Sam Silverstein un Richard Wahlstrom, Maten von de Expeditschoon von Nick Clinch. Düsse Expeditschoon is ok noch op fiev annere Bargen toeerst rop.
Weblenken
Mount Shinn op geographic.org (engelsch)
Footnoten
Kategorie:Barg in de Ellsworthbargen Kategorie:Sentinel Range Kategorie:Ellsworthland