Desmond Milton Smith (* 10. März 1937 in San Ignacio; † 19. August 1992 in Belize-Stadt) weer von 1989 bet 1992 de anglikaansche Bischop von Belize.
Smith is 1937 as Söhn von Samuel Smith un Almira Young in San Ignacio boren. He is 1963 de Society of Saint Francis bitreden. Von 1969 bet 1971 weer Smith Schöler an dat St. John’s Seminary in Lusaka, Sambia, is 1970 to’n Diaken wieht worrn un 1971 to’n Preester. In de eerste Tied weer he denn Preester in Sambia un hett dor ünner annern in Fiwila arbeidt. Von 1976 bet 1977 weer he an dat College of the Resurrection un hett 1982 en Diplom in Theologie an dat Codrington College in Barbados maakt. 1989 is Smith Bischop von Belize worrn, nadem sien Vörgänger Keith A. McMillan 1988 in’t Amt doodbleven weer. He is bet to sien Dood 1992 Bischop bleven.Indrag op FindAGrave.com Smith is bi de Saint John’s Cathedral begraven worrn. Sien Nafolger weer denn Sylvester Romero Palma.
duum|Graffsteen Smith weer verheiraadt un harr söss Kinner.Indrag bi Prabook
Footnoten
Kategorie:Mann Kategorie:Börger von Belize Kategorie:Anglikaansch Kategorie:Bischop Kategorie:Boren 1937 Kategorie:Storven 1992