Keith Alfonso McMillan (* 21. März 1930 in Jamaika; † 9. April 1988 in Belize-Stadt) weer von 1980 bet 1988 de anglikaansche Bischop von Belize.
McMillan is 1930 in Jamaika boren un weer op dat St. Peter’s Theological College.Indrag op FindAGrave.com He is 1957 as Diaken wieht worrn un 1958 as Preester. McMillan weer in verscheden Gemenen in Jamaika Preester un weer ok Diözesan- un Synodaalsekretär von de Kark von Jamaika un Vörsitter von dat Anglican Council of North America and Caribbean.
He is an’n 24. Februar 1980 Bischop von Brietsch-Honduras worrn, nadem sien Vörgänger Eldon Sylvester in’n Dezember 1978 bi en Autounfall doodbleven is. McMillan is bet to’n 9. April 1988 Bischop bleven as he na korte Krankheit doodbleven is. Siene Truurfier weer an’n 14. April in de St. Andrew’s Parish Church in Jamaika. Sien Nafolger as Bischop von Belize weer Desmond Milton Smith.
McMillan hett 1960 siene Fro Cynthia Veronica Burgess (1935–2011) freet. De beiden harrn veer Kinner, dree Deerns un een Jung.Bishop McMillan of Belize Dies, Archives of the Episcopal Church an’n 28. April 1988
Footnoten
Kategorie:Mann Kategorie:Börger von Jamaika Kategorie:Anglikaansch Kategorie:Bischop Kategorie:Boren 1930 Kategorie:Storven 1988