George Xavier Henriques (* 5. Juli 1908 in Kingston; † 18. Juni 1982 ok dor) weer en jamaikaansch-brietschen Jurist.
Henriques is 1908 as Söhn von Edith Emily, borene Delfosse, un den Koopmann Cyril Charles Henriques in Kingston (Jamaika) boren.Personalities Caribbean. Personalities Limited, 1973, Sied 489 Siene jüngere Süster weer Pauline Henriques un sien Broder Fernando Henriques. He güng in Jamaika op dat St. George’s College. 1919 is de Familie von Jamaika na Grootbritannien ümtagen un Henriques weer dor von 1919 bet 1928 op dat St. Francis Xavier College in Clapham.
Henriques hett in’n Juli 1938 Marjory Brunhilde Burrowes freet. De beiden harrn twee Döchter.Who was who: A Companion to Who’s Who, Containing the Biographies of Those who Died. A. & C. Black, 1981, Sied 344
He hett an dat University College London Juristeree studeert un is an’n 6. Mai 1936 in Grootbritannien as Avkaat un Maat von’n Inner Temple tolaten worrn. An’n 19. August 1936 is he tosätzlich in Jamaika as Avkaat tolaten worrn. Dor hett he denn ok von 1936 bet 1939 as Avkaat praktizeert. Von 1939 bet 1944 weer he Crown Counsel un von 1944 bet 1950 Magistraat. 1950 is he för korte Tied Solicitor General worrn.
He weer denn von 1950 bet 1956 Generaalstaatsanwalt von Brietsch-Honduras un för wisse Tieden twüschen 1953 un 1956 ok Böverst Richter.
Von 1958 bet 1963 weer he Böverst Richter von de Windward and Leeward Islands. Twüschen 1958 un 1962 weer he in düsse Tied ok fakener Administrater von St. Lucia. Henriques is 1963 bet 1968 Richter an’n Appeal Court of Jamaica ween un is 1967 Präsident von dat Gericht un dormit Lord Chief Justice von Jamaika worrn.
He is an’n 18. Juni 1982 in dat Nuttall Memorial Hospital in Kingston doodbleven. He hett toletzt in Ocho Rios leevt.
Ehren
To Neejohr 1963 is he to’n Ridder (Knight Bachelor) slahn worrn.Supplement, The London Gazette an’n 28. Dezember 1962, Sied 2
Footnoten
Kategorie:Mann Kategorie:Jurist Kategorie:Börger von Jamaika Kategorie:Grootbritannien Kategorie:Boren 1908 Kategorie:Storven 1982