William Fonseca (* 11. März 1967 in Belize-Stadt) is en Politiker ut Belize (PUP).
Leven
Fonseca is 1967 in Belize-Stadt boren. He is en Vedder von Ralph Fonseca. Fonseca weer op dat St. John’s College un hett denn an de University of Southwestern Louisiana Weertschopswetenschoopen studeert. Düt Studium hett he mit en Bachelor afslaten. He hett denn Juristeree studeert un dat Studium 1994 an de University of the West Indies afslaten.
Politik
Bi de Parlamentswahl in Belize 2003 weer he Kannedaat för de PUP in’n Wahlkreis Freetown un hett de Wahl mit 60,00 % von de Stimmen gegen Doug Singh von de UDP wunnen. Ok bi de Wahlen 2008 (49,58 % von de Stimmen gegen Michael Peyrefitte von de UDP), 2012 (51,95 % gegen Lee Mark Chang von de UDP) un 2015 (55,54 % gegen Carla Barnett, USP, un Elizabeth Villanueva Dena, BPP) kunn he sik in’n sülven Wahlkreis wedder dörsetten.
Dormit is he siet 2003 Afornten von dat Repräsentantenhuus von Belize.
Ünner Premierminister Said Musa is Fonseca 2003 Minister in dat Büro von’n Premierminister worrn.Janelle Chanona: , Channel 5 Belize an’n 7. März 2003 An’n 5. Januar 2004 is he denn aver Minister för Bildung, Sport un Junge Lüüd worrn, wat vörher Said Musa sülvs in sien Ministerportfolio harr., Channel 5 Belize an’n 5. Januar 2004 An’n 29. Dezember 2004 hett he tosätzlich noch dat Ressort för Kultur to sien Portfolio tokregen.
In’n August 2004 keem dat to ene Regerungskries, as rutkamen is, dat Finanzminister Ralph Fonseca Geller ut’n Soziaalversekerungsfonds bruukt hett, üm Kredite von private Ünnernehmens aftosekern. Söven Ministers hebbt Musa opfeddert, Ralph Fonseca ut dat Kabinett ruttosmieten.Seven GOB ministers resign!, San Pedro Sun an’n 19. August 2004 Musa kunn den Rüggtridd afwennen, aver dat hett dorto föhrt, dat Eamon Courtenay sien Amt as Generaalstaatsanwalt afgeven hett. Düt Amt hett denn Francis Fonseca övernahmen.
An’n 3. November 2005 hett Fonseca de Tostännigkeit för Sport un Junge Lüüd an Cordel Hyde afgeven un de för Kultur an Mark Espat., Channel 5 Belize an’n 3. November 2005
An’n 12. April 2006 is he tosätzlich noch Minister för Arbeid worrn, nadem Juan Vildo Marin düssen Posten afgeven hett., Channel 5 Belize an’n 12. April 2006
Fonseca weer denn Generaalstaatsanwalt un Minister för Bildung un Arbeid. An’n 22. Mai 2007 müss Mark Espat siene Ämter afgeven un Fonseca hett von em dat Amt as Minister för Kultur kregen., 7 News Belize an’n 4. Juni 2007 Fonseca hett düsse Ämter behollen, bet de PUP na de Wahl 2008 in de Oppositschoon gahn müss. Fonseca hett an’n 3. November 2011 as Oppositschoonsföhrer von Johnny Briceño övernahmen, wat he bet to’n 6. November 2015 bleven is. In düsse Tied von 2011 bet 2015 weer he ok Parteibaas von de PUP.
Footnoten
Kategorie:Mann Kategorie:Politiker (Belize) Kategorie:Börger von Belize Kategorie:Maat von de People’s United Party Kategorie:Maat von dat Repräsentantenhuus (Belize) Kategorie:Boren 1967