duum|Joschka Fischer 2006 Joseph Martin (Joschka) Fischer (* 12. April 1948 in Gerabronn, domaals Landkreis Crailsheim) weer en föhren Liddmaat vun de Partei Bündnis 90/De Grönen. He weer vun 1998 bit 2005 Butenminister un Viezkanzler vun de Bundsrepubliek Düütschland. Un dat eerste halve Johr vun 1999 Präsident vun’n Raat vun de Europääschen Union. Ruchweg een Johr na de Bundsdagswahl 2005 hett he sik ut de aktive Politik torüchtogen.
Siet dat Enn sien politischen Loopbahn arbeit he as journalistischen Kommentater, Ünnernehmensberader un in verschedene Positschonen in de Weertschop – ünner annern as Lobbyist för de Energieversorgers RWE un OMV.
Utteken Fischer weer in’n Mai 2002 as Ehrendokter vun de Universität Haifa uttekent. An’n 4. Mai 2004 weer he in Rüschlikon mit den renomeerten Gottlieb-Duttweiler-Pries ehrt. In sien Funkschoon as Butenminister vun de Bundsrepubliek hett he in’n Mai 2005 den Leo-Baeck-Pries kregen, also de höchste Utteken vun’n Zentralraat vun de Jöden in Düütschland, för sien Verdeensten in’n Neegoosten-Striet as Vermittler twüschen de Pälestinenser un de Israelis. Den 20. Mai 2006 kreeg he bito den Ehrendokter vun de Universität Tel Aviv tospraken.
För sien Insatz as hess’sch Ümweltminister gegen den Bruuk vun de Kuhl Messel as Mülldeponie un dat Wohhren vun de Kuhl as Fossilenfundsteed is na em 2005 en fossile Slang as Palaeopython fischeri nöömt worrn.Fossile Schlange aus Grube Messel heißt Paleopython Fischeri. op de Websteed vun’n BUND, Februar 2005 Wieter is Fischer Ehrenbörger vun Budakeszi. Donauschwääbsch Zentralmuseum vun’n 8. Mai 2009, afropen an’n 6. Januar 2011
2010 is he mit de Heinrich-Heine-Gastprofessur vun de Heinrich-Heine-Universität Düsseldörp ehrt worrn.
Literatur Paul Berman: Idealisten an der Macht. Die Passion des Joschka Fischer. Siedler, München 2006, ISBN 3-88680-846-7. Matthias Geis un Bernd Ulrich: Der Unvollendete. Das Leben des Joschka Fischer. Fest, Berlin 2002, ISBN 3-8286-0175-8; aktualiseerte Neeoplaag: Rowohlt-Taschenbuch-Verlag, Reinbek 2004, ISBN 3-499-61623-8. Jürgen Schreiber: Meine Jahre mit Joschka. Nachrichten von fetten und mageren Zeiten. Econ, Berlin 2007, ISBN 978-3-430-30033-9.
Autonome L.U.P.U.S.-Gruppe (Rutgever): Die Hunde bellen … Von A–RZ. Eine Zeitreise durch die 68er Revolte und die militanten Kämpfe der 70er bis 90er Jahre. Unrast Verlag, Mönster 2001, ISBN 3-89771-408-6. Klaus Bittermann un Thomas Deichmann (Rutgevers): Wie Dr. Joseph Fischer lernte, die Bombe zu lieben: Die SPD, die Grünen, die Nato und der Krieg auf dem Balkan. Edition TIAMAT, Berlin 1999, ISBN 3-89320-025-8. Christian Schmidt: „Wir sind die Wahnsinnigen …“. Joschka Fischer und seine Frankfurter Gang. Econ, München un Düsseldörp 1998; aktualiseerte Utgaav: Econ-und-List-Taschenbuch-Verlag, München 1999, ISBN 3-612-26628-4.
Borns
Weblenken
Literatur vun un över Joschka Fischer in’n Katalog vun de Düütschen Natschonalbökeree Biografie vun’n Bundsdag Tabellaarsch Levensloop bi’t Düütsche Histoorsche Museum Levensloop bi Who’s Who Joschka Fischer & Company
Kategorie:Mann Kategorie:Börger von Düütschland Kategorie:Bündnis 90/De Grönen Kategorie:Liddmaat Düütsch Bundsdag Kategorie:Bundsminister Kategorie:Boren 1948