Dugal Flowers (* 12. September 1931; † 14. Dezember 2012 in Belize-Stadt) weer en Politiker ut Belize (HIP, NIP, UDP).
Leven
Flowers is 1931 as Söhn von Susan Elizabeth, borene Wade, un den Proviantmeester Richard Alexander Flowers boren. He weer op de Ebenezer Primary School. He hett för de Belize Estate Company arbeidt un weer anstellt bi en Schippsverseker.Personalities Caribbean. Personalities Limited, 1965, Sied 164
Flowers hett an’n 30. Juni 1960 siene Fro Myrtle Cressida, borene Bailey, freet. De beiden harrn dree Kinner.
He is an’n 14. Dezember 2012 in dat Karl Heusner Memorial Hospital in Belize-Stadt doodbleven.Albert J. Ciego: Former president of the Senate passes, Amandala an’n 14. Dezember 2012 Sien Truurfier weer an’n 18. Dezember in de All Saints Church in Belize-Stadt.
Politik
1956 hett he to de Mitgrünners von de Honduran Independence Party (HIP) tohöört, de al 1958 in de National Independence Party (NIP) opgahn is. Flowers is ünner Parteibaas Philip Goldson 1962 tweten Viez-Parteibaas von de NIP worrn un 1965 Viez-Parteibaas.
Bi de Stadtraadswahlen 1962, 1965 un 1969 in Belize-Stadt weer he Kannedaat för de NIP, is aver nich wählt worrn.Myrtle Palacio: Belize City Council Election Results 1962 to 2003
Bi de Parlamentswahl in Belize 1961 weer he Kannedaat för de NIP in’n Wahlkreis Collet, kunn sik aver mit 43,9 % von de Stimmen nich gegen Albert Cattouse von de PUP dörsetten. Ok bi de Wahl 1965 (48,8 % von de Stimmen gegen Cattouse) un Wahl 1969 (48,0 % von de Stimmen gegen Vernon Harrison Courtenay von de PUP) hett he beide Maal wedder knapp verloren.
Flowers weer na de Wahl 1965 Schaddenminister för Binnensaken un Gesundheit in dat Schaddenkabinett von de UDP-Oppositschoon.
As de NIP sik 1973 mit annere Gruppen to de United Democratic Party (UDP) tohoopslaten hett, is Flowers Maat von düsse Partei worrn.
He weer von’n 16. Juli 1993 bet 13. Juli 1998 Präsident von’n Senaat ünner Premierminister Manuel Esquivel.
Ehren
To Neejohr 1996 is he Officer of the Order of the British Empire worrn.
Footnoten
Kategorie:Mann Kategorie:Politiker (Belize) Kategorie:Börger von Belize Kategorie:Maat von de Honduran Independence Party Kategorie:Maat von de National Independence Party (Belize) Kategorie:Maat von de United Democratic Party (Belize) Kategorie:Senater (Belize) Kategorie:Boren 1931 Kategorie:Storven 2012