De Legislativversammlung () weer von 1954 bet 1963 dat Parlament von Brietsch-Honduras, as de Kolonie noch en Eenkamersystem harr. De Seet weer in Belize-Stadt.
Historie
Dat Regeer över de brietsche Siedlung, de vondaag Belize billt, is toeerst 1765 in schreven Form fastleggt worrn, as Admiraal William Burnaby dat Recht in Belize as Burnaby’s Code opschreven hett.History of the Legislature of Belize, Natschonaalversammlung von Belize Düsse Code is bet 1840 in Kraft bleven, as en Exekutivraad () inricht worrn is.
1854 is dat eeerste Maal en Legislativversammlung inricht worrn, de ünner Leid von en brietschen Supperndent stünn. De Maten weren aver all beropen un nich wählt. As dat Rebeed 1871 Kroonkolonie worrn is, hett dat en Legislativraad () geven, de an de Steed von de Legislativversammlung treden is.
1935 is wedder en Legislativversammlung inricht worrn, de aver noch jümmer beropen un nich wählt weer.
Mit’n 25. März 1954 is en ne’e Verfaten in Kraft treden, mit de dat Regularium för de Legislativversammlung ännert worrn is. Dat hett nu blangen en Spreker, dree von’n Guvernör beropene Maten un dree Maten dör Amt (Koloniaalssekretär, Generaalstaatsanwalt un Finanzsekretär) ok negen wählte Maten geven. Mit de Wahl an’n 30. April 1954 is dat Parlament dat eerste Maal in en allgemene Wahl wählt worrn.
Von de Afornten hebbt dree besünnere Opgaven kregen: Leigh Richardson as Member for Natural Resources, Herman Jex as Member for Public Utilities un Philip Goldson as Member for Social Services. Dat weren de Vörlöpers von de Ministers, de in latere Kabinetten (von 1961 af an) insett worrn sünd.
Bi de Wahl von 1961 is de Tall wählte Seten op 18 verdubbelt worrn. De Tall von beropen Maten is op fiev stegen. Düsse fiev Maten sünd von’n Generaalguvernör beropen worrn: twee afstimmt mit’n Eersten Minister, een afstimmt mit’n Oppositschoonsföhrer un twee, bi de sik de Generaalguvernör mit Eersten Minister un Oppositschoonsföhrer afstimmt. De twee Maten dör Amt weren Generaalstaatsanwalt un Koloniaalssekretär.
Dör de ne’e Verfaten, de 1963 beslaten worrn is, is Brietsch-Honduras to’n 1. Januar 1964 to en Tweekamersystem övergahn. Dat besteiht ut Repräsentantenhuus un Senaat, de tohoop de Natschonaalversammlung billt. Direkten Nafolger von de Legislativversammlung is de Natschonaalversammlung. Dat Repräsentantenhuus besteiht ut wählte Maten un de Senaat ut beropen Maten.
Wählte Maten
1954–1957: PUP (8): George Cadle Price (Belize Noord), Philip Goldson (Belize Süüd), Leigh Richardson (Belize West), Herman Jex (Belize-Land), George Flowers (Orange Walk), Jose Leon Chin (Corozal), Enrique De Paz (Cayo), Nathaniel Cacho (Stann Creek) NP (1): Charles Westby (Toledo) 1957–1961: PUP (9): George Cadle Price (Belize Noord), Denbigh Jeffery (Belize Süüd), Albert Cattouse (Belize West), Louis Sylvestre (Belize-Land), Victor Orellana (Orange Walk), Santiago Ricalde (Corozal), Enrique De Paz (Cayo), David McKoy (Stann Creek), Faustino Zuniga (Toledo) 1961–1963: PUP (18): Frederick Westby (Albert), Fred Hunter (Belize-Land Noord), Louis Sylvestre (Belize-Land Süüd), Albert Cattouse (Collet), Alexander Hunter (Fort George), George Cadle Price (Freetown), C. L. B. Rogers (Mesopotamia), Gwendolyn Lizarraga (Pickstock), Hector Silva (Cayo Noord), Santiago Perdomo (Cayo Süüd), Santiago Ricalde (Corozal Noord), Jesus Ken (Corozal Süüd), Victor Orellana (Orange Walk Noord), Guadalupe Pech (Orange Walk Süüd), Allan Arthurs (Stann Creek Stadt), David McKoy (Stann Creek Land), Faustino Zuniga (Toledo Noord), Sam Vernon (Toledo Süüd)
Sprekers
1954–1961: Arthur Norman Wolffsohn 1961–1963: Woldrich Harrison Courtenay
Footnoten
Kategorie:Belize Kategorie:Politik