Bernard Quentin Augustus Pitts, faken afkört to B. Q. Pitts, (* 1935 in Mullins River; † 28. Dezember 2015 in Belize-Stadt) weer en Jurist un Politiker ut Belize (UDP).
Leven
Pitts is 1935 as Söhn von Roderick Augustus Pitts (1898–1950) in Mullins River boren. He weer op dat Wesley College in Belize-Stadt un hett na de School as Beamten in de Verwaltung von Brietsch-Honduras arbeidt. Tosätzlich weer he Magistraat. Pitts hett 1955 Valda Icene Pitts freet. De beiden harrn söss Kinner.
Eerst 1970 hett Pitts anfungen, an de University of the West Indies Juristeree to studeren, un harr sien Studium 1975 afslaten. Na dat Studium hett he för twee Johr as Direkter bi de Staatsanwaltschop in Belize-Stadt arbeidt. Düsse Arbeid hett he aver opgeven, üm in’n Januar 1977 tohoop mit Edwin Flowers en egen Kanzlie as Avkaat apentomaken., Love FM an’n 28. Dezember 2015 Later hett Pitts in en Kanzlie tohoop mit Wilfred Elrington praktizeert.
He is an’n 28. Dezember 2015 in dat Karl Heusner Memorial Hospital in Belize-Stadt an Hartverseggen doodbleven, nadem he an’n 16. Dezember en Slaganfall harr.Rowland A. Parks: Bernard Quentin Augustus Pitts, CBE, dead at 80, Amandala an’n 31. Dezember 2015
Politik
Von 1986 bet 1989 weer Pitts Afornten in’n Stadtraad von Belize-Stadt.Myrtle Palacio: Belize City Council Election Results 1962 to 2003
Von’n 16. Juli 1993 bet 13. Juli 1998 weer he ünner Premierminister Manuel Esquivel Spreker von dat Repräsentantenhuus von Belize.
Pitts is ünner Premierminister Dean Barrow an’n 1. Juni 2010 Generaalstaatsanwalt in dat Kabinett Barrow II worrn. Eerst kort vörher is mit de Belize Constitution (Seventh Amendment) Bill fastleggt worrn, dat de Generaalstaatsanwalt anners as de annern Kabinettsmaten nich Maat von de Natschonaalversammlung (also Maat von Repräsentantenhuus oder Senaat) ween mutt. Dorüm hett Wilfred Elrington dat Amt as Generaalstaatsanwalt afgeven un hett sik op sien Amt as Butenminister kunzentreert. Pitts is bet to’n 9. März 2012 Generaalstaatsanwalt bleven. Mit dat ne’e Kabinett Barrow III, dat Dean Barrow na de Parlamentswahl 2012 billt hett, hett Wilfred Elrington wedder as Generaalstaatsanwalt övernahmen.
Ehren
To Neejohr 2012 is Pitts Commander of the Order of the British Empire worrn., 7 News Belize an’n 11. April 2012
Footnoten
Kategorie:Mann Kategorie:Politiker (Belize) Kategorie:Börger von Belize Kategorie:Maat von de United Democratic Party (Belize) Kategorie:Boren 1935 Kategorie:Storven 2015