Julius Espat (* Februar 1968 in Belize-Stadt) is en Politiker ut Belize (PUP).
Espat is 1968 in Belize-Stadt boren un weer dor op dat St. John’s College. op de Websteed von de PUP He hett an de Universität San Carlos in Guatemala Architektur studeert. Nadem he wedder trügg in Belize weer, hett he 1993 sien egen Architekturbüro apenmaakt.
Bi de Parlamentswahl in Belize 2012 weer he Kannedaat för de PUP in’n Wahlkreis Cayo Süüd un hett de Wahl mit 58,45 % von de Stimmen gegen Ramon Witz von de UDP wunnen.
Bi de Wahl 2015 weer he in’n sülven Wahlkreis wedder Kannedaat un hett sik mit 58,88 % von de Stimmen gegen Ralph Huang von de UDP dörsett.
Dormit is he siet 7. März 2012 Afornten von dat Repräsentantenhuus von Belize. He is Vörsitter von’n Rekenkuntrull-Utschuss (Public Accounts Committee).
An’n 26. August 2016 is Espat von’n Spreker von dat Repräsentantenhuus, Michael Peyrefitte, suspendeert worrn, nadem he in en Debatt üm Fehlverhollen in dat Ministerium för Immigratschoon de Regeren scharp angrepen un sik mit Peyrefitte en Woordgefecht levert hett. As Espat sik wehrt hett, dat Gebüüd to verlaten, is he von de Polizei ut dat Repräsentantenhuus afföhrt worrn.Rowland A. Parks: House Speaker kicks out Julius Espat!, Amandala an’n 31. August 2016 He dröff eerst an’n 27. Januar 2017 wedder trügg in dat Repräsentantenhuus., CTV3 Belize an’n 31. Januar 2017
Footnoten
Kategorie:Mann Kategorie:Politiker (Belize) Kategorie:Börger von Belize Kategorie:Maat von de People’s United Party Kategorie:Maat von dat Repräsentantenhuus (Belize) Kategorie:Boren 1968