Leocardio Martinez (* 9. Dezember 1937 in Punta Gorda) is en Politiker ut Brietsch-Honduras/Belize. He is Maat von de People’s United Party (PUP).
Leven
Martinez is 1937 in Punta Gorda (Distrikt Toledo) as Söhn von Pantaleona Valentine un Charles B. Martinez in ene Garifuna-Familie boren.Personalities Caribbean. Personalities Limited, 1973, Sied 238 He weer in Punta Gorda op de Grundschool un denn in Belize-Stadt op dat St John’s College. He hett as Schoolmeester in Punta Gorda arbeidt.
In siene Freetied weer Martinez ok Musiker un 1967 in Punta Gorda Grünner von de Celestials Combo.Roy E. Gutierrez: A rundown of Toledo musicians. Government Printer, Belize-Stadt 2000, Sied 5
He hett in’n April 1969 Hilaria „Celia“, borene Lino (13. Januar 1941–2012), freet.Peitra Arana: , The Guardian an’n 2. Februar 2012 De beiden harrn een Dochter.
Von 1979 bet 1997 hebbt Charles un Celia Martinez in New York City in de USA leevt.
Politik
Martinez is 1963 Stadtraad in Punta Gorda worrn un weer dor ok Viez-Börgermeester.
Bi de Parlamentswahl in Brietsch-Honduras 1965 weer Martinez Kaneedaat för de PUP in’n Wahlkreis Toledo Süüd un kunn sik mit 50,4 % von de Stimmen gegen Charles Westby von de NIP dörsetten. Bi de Wahl 1969 weer he wedder Kannedaat för Toledo Süüd un hett sik dütmaal mit 50,3 % von de Stimmen gegen Cypriano Avilez von de NIP dörsett.
Dormit weer he von 1965 bet 1974 Afornten von dat Repräsentantenhuus.
Footnoten
Kategorie:Mann Kategorie:Politiker (Belize) Kategorie:Börger von Belize Kategorie:Maat von de People’s United Party Kategorie:Boren 1937 Kategorie:Maat von dat Repräsentantenhuus (Belize)