De Hemmoor-Formatschoon is en geoloogsche Formatschoon ut de Schrievkried-Grupp, de in Noorddüütschland vörkummt un sik in dat Maastrichtium billt hett. De Schicht is in dat Schrievkried-Standardprofil 132 m dick un in dat Bohrlock Offenseth 1 üm un bi 155 m.
Toeerst beschreven hett de Formatschoon Birgit Niebuhr 2006.
Nöömt is de Formatschoon na’n Oort Hemmoor, in den en Soltstock de Kried, de ans deper liggt, bet an de Böverflach drückt hett. In Hemmor is bet in de Johren 1980 dör de Hemmoor Zement AG Kried afboot worrn. Dat Typusprofil von de Formatschoon weer in de Hemmoorer Kriedkuhl, de nu an’n Grund von Kriedsee liggt. Dat gifft aver Proben von dat Typusprofil von 10–30 kg bi dat Landsamt för Bargbo, Energie un Geologie in Hannover.Birgit Niebuhr: Lithostratigraphie der norddeutschen Oberkreide: Beitrag zur Stratigraphie von Deutschland im Auftrag der Deutschen Stratigraphischen Kommission. Düütsche Sellschop för Geowetenschoppen, 2007, Sied 76ff.
De Formatschoon liggt över de Kroonsmoor-Formatschoon. Ünnerscheed to de Kroonsmoor-Formatschoon is dat Vörkamen von Flint in de Hemmoor-Formatschoon.
In dat Maastrichtium leeg in Noorddüütschland de Böverkriedsee. An’n Grund von de See hett sik Kried aflagert. In de Kried sünd Zoophycos-Sporen un Mergellagen to finnen. Ok Flint kummt dor jümmer wedder in vör.Lithostratigraphisches Lexikon In de böversten 30 bet 35 Meter wesselt sik de Kriedschichten denn mit Kalksteen-Schichten von de Reitbrook-Formatschoon af, de gegenöver de Kriedschichten jümmer mächtiger warrt.
Footnoten
Kategorie:Formatschoon Kategorie:Düütschland