Johrswidmen: Internatschonaal Johr för dat Gedenken an den Kamp gegen de Slaveree un an ehr Opheven (UNESCO) Internatschonaal Johr vun den Ries (UNO) Internatschonaal Johr vun de Technik Internatschonaal Johr vun de Optucht dör Sport Alpenglöckchen (latiensch Soldanella alpina) Bloom vun dat Johr (Stiftung Naturschutz Hamburg/Deutschland) Tuunkrüper (latiensch Troglodytes troglodytes) Vagel vun dat Johr (NABU/Deutschland) Echt Huusswamm (latiensch Serpula lacrymans) Poggenstohl vun dat Johr (Deutsche Gesellschaft für Mykologie) Wittdann (latiensch Abies alba) Boom vun dat Johr (Kuratoriums Baum des Jahres/Deutschland) Gröne Holltung (latiensch Coeloglossum viride) Orchidee vun dat Johr (Arbeitskreis Heimische Orchideen/Deutschland) Sövenslöper (latiensch Myoxus glis) Deert vun dat Johr (Schutzgemeinschaft Deutsches Wild) Johrslosen „Jesus Christus spreekt: Heven un Eerd schöölt vergahn; miene Wöör aver schöölt nich vergahn.“ (Markus 13, 31)
Wat passeert is
Natur
19. April - Deelwies Sünndüsternis in Süden Afrika. 4. Mai - Total Maandverdüüstern 8. Juni - De eerste Venustransit (Sünnendörgang) siet 1882 is in Middeleuropa vun 7:20 bet 13:23 MESZ to sehn. 5. Oktober - In Düütschland warrt mit 27,25 °C de warmste 5. Oktober siet 125 Johren meten. 11. Oktober - An'n fröhen Morgenheven is de Venus den Maand sünnerlich noh un good to sehn 14. Oktober - Deelwies Sünndüsternis in Noordoost-Asien un in'n Noord-Pazifik. 28. Oktober - Total Maandverdüüstern
Politik
1. Januar - Joseph Deiss warrt Bunnspräsident vun de Schweiz. 1. Januar - Irland övernimmt vun Italien den Präsidentensitt in'n europääschen Raat. 1. Januar - De Mehrweertstüür warrt in Kap Verde inföhrt. 1. Januar - De nedderlandsche Butenminister Jaap de Hoop Scheffer warrt NATO-Generalsekretär. 13. Januar - Helmut Kohl kriggt den Internatschonalen Adalbertpries. 14. Januar - Oscar Berger Perdomo warrt Staatspräsident vun Guatemala. 15. Januar bet 21. Januar - Weltsozialforum in Mumbai (Indien). 16. Januar - De Butenministers Joschka Fischer (Düütschland), Dominique de Villepin (Frankriek) un Włodzimierz Cimoszewicz (Polen) dreept sik in'n Rahmen vun dat Weimarer Dreeeck. 19. Januar - Eerste Vörwahl vun de demokraatsche Partei in Iowa (USA). 20. Januar - Mazedonien besluut per Gesett de Grünnen vun en staatlich Universität in Tetovo. 24. Januar - Entlaten vun den Vörsitter vun de Bundsagentur för Arbeid Florian Gerster no en Misstroonsvotum. 25. Januar - Georgien: Michail Saakaschwili warrt Staatspräsident. 2. Februar - Brunei: Karl XVI. Gustaf vun Sweden lööst dör sien Loff vun den Sultan ene butenpolitsche Krise in siene Heimat ut. 5. Februar - Lettland: Ministerpräsident Einars Repse tridd trüch. 6. Februar - Bunnskanzler Gerhard Schröder tritt vun'n Parteivörsitt vun de SPD trüch, Franz Müntefering warrt nee Parteivörsitter. 8. Februar - Volksafstimmen in de Swiez, ünner annern warrt de twete Tunnelröhr dör den Gotthard düütlich aflehnt. 13. Februar - Präsident Blaise Compaoré vun Burkina Faso dreept op Inladen vun Bundspräsident Johannes Rau in Düütschland in. 20. Februar - Parlamentswahlen in'n Iran, vele liberale Kandidataten weren utsloten, de Wahlbedeligen weer bi 50 Perzent. 26. Februar - Staatspräsident Boris Trajkovski vun Mazedonien starvt bi en Flegerafstört. 29. Februar - Börgerschapswahlen in Hamborg, de CDU kriggt de afslute Mehrheit, Ole von Beust blifft Eerste Börgermeester. 1. März - Internatschonale Fredenstruppen draapt in Haiti in. 2. März - Apnen vun de ne'e Bottschap vun de Nedderlannen in Berlin dör Königin Beatrix 7. März - Landdagswahlen in Kärnten un Salzburg, Gemeenraatswahlen in Tirol. 9. März - Lettland: Indulis Emsis warrt nee Ministerpräsident. 10. März - Grekenland: Kostas Karamanlis warrt Ministerpräsident. 14. März - Wladimir Putin warrt as Präsident vun Russland in sien Amt bestätigt. 14. März - Michail Jefimowitsch Fradkow warrt Vörsitter vun de Regeren in Russland. 14. März - Parlamentswahlen in Spanien. 18. März - In Ottawa warrt de EU-Kanada-Konferenz afhollen. 22. März - Mazedonien stellt Andrag op Opnahm in de NATO. 22. März - Mazedonien stellt en offiziellen Andrag op Opnahm in de EU. 23. März - Bunnskanzler Gerhard Schröder besöökt Warschau, Polen. 27. März - Kommunalwahlen in Nigeria. 28. März - Präsidentenswahlen in Guinea-Bissau. 29. März - Bulgarien, Estland, Lettland, Litauen, Rumänien, Slowakei un Slowenien warrt Liddmaten vun de NATO. 2. April - Bulgarien un Lettland warrt Liddmaten vun de NATO. 3. April - Üm un bi 500.000 Minschen demonstreert in Berlin, Köln un Stuttgart gegen den Reformkurs vun de düütsche Bundsregeren. 3. April un 17. April - Präsidentenwahl in de Slowakei. 14. April - Parlamentswahlen in Süüdafrika. 15. April - Nedderlannen: Offiziell Besöök vun Bundskanzler Gerhard Schröder in Rotterdam un Den Haag. 17. April - Ivan Gašparovič warrt nee Staatspräsident vun de Slowakei. 17. April - José Luis Zapatero warrt Ministerpräsident in Spanien. 19. April - Bundsbutenminister Joschka Fischer reist no Afghanistan. 22. April - Grünnen vun en Goethe-Institut in Ljubljana (Slowenien). 25. April - Parlaments- un Kommunalwahlen in Äquatoriaalguinea. 25. April - Heinz Fischer warrt bi de Wahl to'n Bunnspräsident in Österriek wählt. 27. April - Thabo Mbeki warrt as Präsident vun Süüdafrika inföhrt. 28. April - Branko Crvenkovski warrt Staatspräsident in Mazedonien. 29. April - Regerensümbilden in Mali. 1. Mai - De Europääsche Union warrt üm teihn Liddmaten vergröttert: Estland, Lettland, Litauen, Malta, Polen, Slowakei, Slowenien, Tschechien, Ungarn un Zypern. 2. Mai - Parlamentswahlen in Panama. 7. Mai - Surya Bahadur Thapa tridd as Premierminister vun Nepal trüch. 16. Mai - Volksafstimmen in de Swiez. 22. Mai - Manmohan Singh warrt Premierminister in Indien. 23. Mai - Horst Köhler warrt vun de Bunnsversammeln in'n eersten Wahlgang to'n Bunnspräsidenten vun de Bunnsrepubliek Düütschland wählt. Horst Köhler 604 Stimmen, Gesine Schwan 589 Stimmen. 27. Mai - USA un Bahrain ünnertekent en Freehannelsafkommen. 29. Mai - Estland warrt Vullliddmaat in de NATO. 1. Juni - In'n Irak nomineert de Övergangsraat den ne'en Staatspräsident Ghazi al Jawar. 1. Juni - Elías Antonio Saca González warrt Staatspräsident vun El Salvador. 4. Juni bet 13. Juni - Europride in Hamborg 6. Juni - 60. Johrsdag vun de Lannen vun de Alliierten in de Normandie. Dat eerste Maal is mit Gerhard Schröder en düütsch Bunnskanzler bi de Gedenkfiern in de Normandie präsent. 8. Juni bet 10. Juni - G8-Konferenz in Sea Island (USA). 9. Juni - Dat Bunnsverfatengericht lehnt ene Verfatensklaag gegen dat Ladenslussgesett af. 13. Juni - Wahlen to'n Europaparlament. 13. Juni - Landdagswahl in Döringen. 13. Juni - Kommunalwahlen in Baden-Württemberg, Mekelnborg-Vörpommern, Rhienland-Palz, Saarland, Sassen un Sassen-Anholt. 22. Juni - In Nauru warrt Präsident René Harris bi en Misstroonsvotum afsett, Ludwig Scotty warr de ne'e Präsident. 27. Juni - Kommunalwahl in Döringen. 28. Juni - De Irak kriggt siene Souveränität trüch. 1. Juli - Amtsantridd vun den ne'en düütschen Bunnspräsidenten Horst Köhler. 8. Juli - Amtsantridd vun den österriekschen Bunnspräsidenten Heinz Fischer. 1. August - 60. Johrsdag vun den Begünn vun den Warschauer Opstand: Bunnskanzler Gerhard Schröder is as eerst düütsch Bunnskanzler as Ehrengast bi de Fierlichkeiten. 2. August - In Düütschland tridd de Sünnerstüer op Alkopops in Kraft, de 275-Milliliter-Buddels üm 85 Cent dürer maakt. 16. August - Präsident Hugo Chávez in Venezuela winnt dat Referendum över siene Amtsopgaav, bi 58% vun de Wähler stimmt för em (Wahlbedeligen bi 95%). 22. August - Norwegen: De Schree, en Bild vun den norweegschen Moler Edvard Munch, warrt vun maskeerte Däders ut dat Munch-Museum in Oslo stahlen. 29. August - Scharif al-Misri, wichtig Liddmaat vun de Terrorgrupp Al-Qaida, warrt in Qetta (Pakistan) tosamen mit enen vermodeten Kumpel fastnahmen. 5. September - Landdagswahlen in’t Saarland. 19. September - Landdagswahlen in Brannenborg. 19. September - Landdagswahl in Sassen. 19. September - Landdagswahl in Vorarlberg (Österriek). 20. September - Susilo Bambang Yudhoyono winnt de Präsidentenwahlen in Indonesien. 26. September - Kommunalwahlen in Nordrhein-Westfalen. 2. Oktober - In Berlin demonstreert üm un bi 50.000 Minschen gegen de Hartz IV-Gesetten. 2. Oktober - In Amsterdam protesteert üm un bi 200.000 Minschen gegen de Spoorplaans vun de christlich-liberaal Regeren. 3. Oktober - Bi de Parlamentswahlen in Slowenien winnt de konservative SDS ünner Janez Janša. 9. Oktober - Bi de Präsidentenwahlen in Afghanistan warrt Präsident Hamid Karzai mit 55,4 % wählt 12. Oktober - De „Kalif vun Köln“, Metin Kaplan, warrt ut Düütschland in de Törkie afschaven un dor fastnahmen. 16. Oktober - De Gewerkschapen GBI un SMUV in de Swiez fusioneert to de Unia. 17. Oktober - De Präsident vun Wittrussland Alexander Lukaschenko warrt in en ümstreden Referendum för en drütt Amtstied bestätigt. 24. Oktober - De Serben in'n Kosovo boykotteert de Parlamentswahlen. Winner is de Partei vun Ibrahim Rugova. 31. Oktober - Bi de Präsidentenwahlen in de Ukraine kümmt dt to Unregelmatigkeiten. De vun den Präsidenten Leonid Kutschma favoriseerte Kandidat Wiktor Janukowytsch kümmt op 40 %, Wiktor Juschtschenko op 39 % vun de Stimmen, en tweet Wahlgang warrt ansett. 2. November - Präsidentenswahlen in de USA: George W. Bush warrt för veer Johren weerwählt. 7. November - Dat Referendum gegen de ne'en Gemeengrenzen in Mazedonien kummt to keen Resultat, wiels blots 26 % vun de Stimmberechtigten afstimmen deen. Dat Gesett schrievt en Bedeligen vun 50 % vör. As Konsequenz hebbt all grote Gemenen in'n Westen vun Mazedonien en albaansche Inwahnermehrheit. 10. November - De Politiker Georg Milbradt (CDU) warrt in Sassen eerst in'n tweten Anloop as Ministerpräsident weerwählt. He har blots 62 vun 65 Stimmen vun de CDU/SPD Koalitschoon kregen. De Kandidat Uwe Leichsenring vun de NPD kreeg 14 Stimmen, 2 mehr as de NPD Sitten in'n Landdag hett. 15. November - De Bitridd vun Grekenland to'n Gellensrebeet vun'n Euro beroht siet 1997 op fälschte Defizittallen vun't statistsche Amt vun de EU, EUROSTAT. Later warrt ok de italienschen Tallen antwiefelt. 17. November - Dat Bunnskabinett seggt dat Entsennen vun twee Transall-Flegers mit 200 Soldaten as Ünnerstütten vun den Transport vun OAU-Soldaten in de Region Darfur in'n Sudan to. 18. November - Bi den tweten Anloop kriggt de ne'e EU-Kommischoonspräsident Jose Manuel Barroso för sien ännerte Kommischoon ene Mehrheit in't EU-Parlament. 19. November - De UN-Sicherheitsrat röppt in en Resolutschoon dorto op gau en Utweg för den Sudan-Konflikt to finnen. 21. November - No den tweten Wahlgang bi de Präsidentenwahlen in de Ukraine warrt Wiktor Janukowytsch as Winner sehn, de OSZE twiefelt de wunnen Wahl an, de Oppositschoon sprickt vun Wahlbedrug. Begünn vun landswiete Protesten („Orangene Revolution“) 21. November -Üm 25.000 Minschen demonstreert no enen Oproop vun muslimsche Verbänn in Köln gegen islamistschen Terror un Gewalt. 21. November - In Namibia warrt Hifikepunye Pohamba (SWAPO) mit 76 % to'n ne'en Präsident wählt un lööst dormit Sam Nujoma af. Siene Partei, de SWAPO, kriggt 75 % vun de Parlamentssitten. 27. November - Papua-Neeguinea begünnt mit de Evakueren vun 9.000 Minschen vun de Insel Manam, wiels no en vulkaansch Aschenschuer, dat en poor Weken duern deen, ene Hungersnoot droht. 28. November - Bunnsfinanzminister Hans Eichel kritiseert, dat alle ne'en Bundslänner, mit Utnahm vun Sassen, de Hülpgeller ut den Aufbau Ost ganz oder in Delen missbruukt hebbt. 28. November - In Rumänien warrt de Staatspräsident un dat Parlament wählt. In'n tweten Wahlgang kaamt Adrian Nastase un Traian Băsescu. De Oppositschoon sprickt vun Wahlbedrug. Ok de OSZE hett Bedenken wegen den Afloop vun de Wahl.