duum|En Bökenholt in’t Vörjohr duum|Bläder von en Orient-Böök mit Bookeckern De Böken (Fagus) sünd en Geslecht von Bööm ut de Familie von de Bökenplanten.
Dat Geslecht warrt in ölven Oorden indeelt, de vör allen in de gematigten Breden von Eurasien un Noordamerika vörkaamt.
De Haböken seht ähnlich ut as Böken, höört aver to de Grupp von de Barkenplanten.
Systematik
Wetenschoplich beschreven ünner den Naam Fagus hett de Böken toeerst Carl von Linné 1753 in sien Wark Species Plantarum, 2, S. 997–998. Typusoord is Fagus sylvatica.
Fagus is dat eenzige Geslecht in de Ünnerfamilie Fagoideae binnen de Familie von de Bökenplanten.
Fröher is ok dat Geslecht von de Süüdböken (Nothofagus) to de Ünnerfamilie Fagoideae rekent worrn. Düsse Grupp warrt vondaag as egen Familie Nothofagaceae ankeken. Na geneetsche Daten steiht dat Geslecht Fagus de annern Geslechter ut de Familie von de Fagaceae as Süstergrupp gegenöver.
Dat Geslecht Fagus warrt mehrstendeels in twee Ünnergeslechter indeelt: Fagus un Engleriana. Engleriana kummt dorbi blots in Oostasien vör.
Dat gifft ölven rezente Oorden von Böken. De exakte Tall hängt aver dorvon af, wat enkelte Autoren as egen Oorden oder as Ünneroorden ankiekt:
Ünnergeslecht Fagus Siebold-Böök (Fagus crenata ) Amerikaansche Böök (Fagus grandifolia ): Mit twee Ünneroorden: Fagus grandifolia subsp. grandifolia Fagus grandifolia subsp. mexicana (Syn.: Fagus mexicana ) Taiwan-Böök (Fagus hayatae ): Se kummt in de chineeschen Provinzen Sichuan un Zhejiang vör un op Taiwan. Glinster-Böök (Fagus lucida ) Orient-Böök (Fagus orientalis , Syn.: Fagus sylvatica subsp. orientalis , Fagus sylvatica var. asiatica , Fagus sylvatica var. macrophylla , Fagus sieboldii var. asiatica , Fagus sieboldii var. macrophylla , Fagus hohenackeriana , Fagus pyramidalis , Fagus hohenackeri , Fagus orientalis var. dentata ) Chineesche Böök (Fagus sinensis , Syn.: Fagus longipetiolata ): Se kummt in China un in’n Noorden von Vietnam vör. Böök (Fagus sylvatica ) Krim-Böök Fagus ×taurica (Syn.:Fagus moesiaca , Fagus sylvatica subsp. moesiaca ) = Fagus orientalis × Fagus sylvatica. Se kummt op de Balkanhalvinsel un op de Krim vör.
Ünnergeslecht Engleriana Engler-Böök (Fagus engleriana ) Japaansche Böök (Fagus japonica ) Fagus multinervis : Se kummt blots op dat Eiland Ulleungdo, Süüdkorea, vör.
Weblenken
Kategorie:Boom