miniatur|400px|Porträtupnahmen vun Aslaug Vaa (dat Johr weet man nich) Aslaug Vaa (* 25. August 1889 in Rauland, Kommune Vinje in Telemark; † 28. November 1965 in Oslo) weer en norweegsch Lyrikerin un Dramatikerin. Se weer Süster van den Bildhauer un Maler Dyre Vaa, verheiraadt mit den Psycholoog un Philoloog Ola Raknes as ok Moder van de Bildhauerin Anne Raknes un de Lyrikerin Magli Elster, wiederhen Grootmoder van den Sozialwetenschapler un Philosoph Jon Elster. Buterdem weer se en Cousine in‘ tweeten Grad van Eivind Groven un Tarjei Vesaas.
Aslaug Vaa hett franzöösch Literatur un Kunstgeschichte an de Universität Paris as ok Theatergeschichte an de Universität in Berlin studeert. Dornah hett se as Lehrerin un Journalistin arbeit. Se hett hör eerst Wark as Lyrikerin Nord i leite 1934 mit 45 Johren herutbrocht.
Se kreeg af 1955 en levenslang Stipendium van den norweegschen Staat (Statens kunstnerlønn). Hör Gedichte wurrn faken in de Sennen „Wunschgedicht“ (Ønskediktet) van den norweegschen Rundfunk (NRK) vördragen. Vaa kreeg 1963 as eerst Schrieverin den „Wunschgedichtpreis“ (Ønskediktprisen). Hör veer Schauspelen hemm nich den glieken Bekanntheitsgrad as hör Gedichte.
2001 hemm Odd Nordstoga un Øyonn Groven Myhren up dat Telemarksfestivalen dat Bestellwark Nivelkinn upführt, dat up Aslaug Vaa hör Gedichtszyklus mit glieker Naam ut Nord i leite foot. Dat Konzert wurr upnommen un as Toondräger herutgeven, de 2003 den Spellemannprisen wunn.
Bibliografie 1934 Nord i leite, Lyriksammlung 1935 Skuggen og strendan, Lyriksammlung 1936 Villarkonn, Lyriksammlung 1938 Steinguden, Schauspeel 1939 På vegakanten, Lyriksammlung 1947 Fotefár, Lyriksammlung 1947 Tjugendagen, Schauspeel 1954 Skjenkarsveinens visur, Lyriksammlung 1963 Bustader, Lyriksammlung 1964 Dikt i utval, Lyriksammlung 1965 Honningfuglen og leoparden, Schauspeel 1966 Munkeklokka, Schauspeel 1989 Dikt i samling 1999 Og ordet var…, achterlaaten Gedichte
Literatur Aslaug Vaa. In: Norsk biografisk leksikon
Kategorie:Fru Kategorie:Boren 1889 Kategorie:Storven 1965 Kategorie:Börger von Noorwegen Kategorie:Schriever