duum|Luftbild von Chetumal Dat Municipio Othón P. Blanco is en Municipio (Gemeen) in’n Bundsstaat Quintana Roo von Mexiko.
Geografie
duum|Küst bi Xcalak duum|Laguna de Bacalar De Gemeen liggt twüschen dat Municipio Bacalar in’n Noorden, de Karibische See un de Bucht von Chetumal in’n Oosten, Belize in’n Süden un dat Municipio Calakmul (Bundsstaat Campeche) in’n Westen.
De Küst von de Karibische See mit de Öörd Mahahual un Xcalak warrt Costa Maya nöömt un is en Tourismusregion.
Öörd
In de Gemeen sünd 554 Öörd vertekent. De gröttsten dorvon sünd na’n Zensus von 2010:
Oort Inwahners Chetumal 151.243 Calderitas 5326 Nicolás Bravo 4011 Javier Rojo Gómez 2911 Álvaro Obregón 2869 Sergio Butrón Casas 2235 Cacao 2056 Xul-Ha 2037 Subteniente López 1915 Pucté 1861 Carlos A. Madrazo 1825 Huay-Pix 1649 Ucum 1495 La Unión 1099 Mahahual 920 Tres Garantías 790 Xcalak 375
Historie
duum|Othón P. Blanco in Quintana Roo vör 2011 Dat Municipio is an’n 12. Januar 1975 grünnt worrn, as de aktuelle Verfaten von Quintana Roo in Kraft treden is. Nöömt is de Gemeen na Othón P. Blanco Núñez de Cáceres, de de Stadt Chetumal grünnt hett.
An’n 2. Februar 2011 hett de Kungress von Quintana Roo beslaten, dat dat Municipio Bacalar von Othón P. Blanco afdeelt warrt.
Präsidenten von de Gemeen
1975–1978: Mariano Ángulo Basto 1978–1981: Hernán Pastrana Pastrana 1981–1984: María Cristina Sangri Aguilar 1984–1987: Alfredo Díaz Jiménez 1987: José Asencio Navarrete 1987–1990: Efraín Ortiz Yeladaqui 1990–1993: Rosario Ortiz Yeladaqui 1993–1995: Diego Rojas Zapata 1995–1996: Felipe Barquet Armenteros 1996–1998: Enrique Alonso Alcocer 1998–1999: Francisco Javier Díaz Carvajal 1999–2000: Eduardo Ovando Martínez 2000–2002: Moises Pacheco Briceño 2002–2005: Eduardo Espinosa Abuxapqui 2005–2008: Cora Amalia Castilla 2008–2011: Andrés Ruiz Morcillo 2011–2013: Carlos Mario Villanueva Tenorio 2013–2016: Eduardo Espinosa Abuxapqui 2016–2018: Luis Alfonso Torres Llanes 2018–2019: Hernán Pastrana Pastrana 2019–2021: Otoniel Segovia Martínez
Weertschop un Infrastruktur
Verkehr
De wichtigsten Straten sünd de Carretera Federal 307, de von Chetumal na Noordoosten langs de Küst över Bacalar un Felipe Carrillo Puerto na Tulum, Playa del Carmen un Cancún löppt, un de Carretera Federal 186, de von Chetumal in’n Westen na de Bundsstaten Campeche, Tabasco un Chiapas föhrt.
De wichtigste Flegerhaven is de Aeropuerto Internacional de Chetumal.
Weblenken
Websteed von dat Municipio (spaansch)
Kategorie:Quintana Roo