duum|Footgängerzoon (Burns Avenue) San Ignacio/Santa Elena is en Lüttstadt (Town) in’n Distrikt Cayo in Belize un ok de Hööftstadt von’n Distrikt. De Dubbelstadt besteiht ut de twee Oortsdelen San Ignacio un Santa Elena.
Geografie
De twee Oortsdelen warrt von’n Macal River trennt. Op dat Oostöver liggt Santa Elena un op dat Westöver San Ignacio. En lütt Stück in’n Noorden von’n Oort flütt de Macal River mit’n Mopan River tohoop un billt dormit den Belize River. Na Süden to doot de Maya-Bargen liggen.
De Naveröörd sünd Santa Familia un Billy White in’n Noorden, Esperanza un Central Farm in’n Noordoosten, Upper Barton Creek, Seven Miles un San Antonio in’n Süüdoosten, Cristo Rey in’n Süden, Benque Viejo del Carmen, San Jose Succotz un Calla Creek in’n Süüdwesten un Bullet Tree Falls in’n Westen.
Historie
duum|Ruinen von Cahal Pech duum|St. Andrew’s Anglican Church duum|Paraad an’n Unafhängigkeitsdag 2012 An’n Rand von de Stadt doot de Maya-Ruinen von Cahal Pech liggen.
De Oort, de von de Spaniers toeerst El Cayo un von de Briten The Cayo nöömt worrn is, is in dat 19. Johrhunnert grünnt worrn, as in dat Rebeed vör allen Mahagoni un Chicle wunnen worrn sünd. De Naam (spaansch för „Eiland“) kummt dorvon, dat dat fröher en tweten Waterloop twüschen Macal River un Mopan River geven hett, so dat dat Rebeed op all Sieden von Water ümgeven weer. In de Johren 1940 hett dat noch en Brügg över düssen Waterloop geven, aver later in dat 20. Johrhunnert is de Waterloop verfüllt worrn un besteiht nu nich mehr.
De Naam San Ignacio is 1870 opkamen, as ünner Andrew Bavastro en Kapell boot worrn is, de Ignatius von Loyola wieht weer.
An’n 19. Oktober 1904 hett de Oort den Status von en Town kregen.
In’n November 1962 is denn beslaten worrn, dat Santa Elena un San Ignacio to een Gemeen (Town) tohoopslaten warrt.A Walk Through El Cayo: San Ignacio and Santa Elena. Institute for Social and Cultural Research, 2015 Sietdem warrt de Oort ok Twin Towns nöömt.
Inwahnertall
De Inwahners weren bi’n Zensus 2000 to 70 % Mestizen un to 20 % Kreolen. De Rest hett sik op de verscheden annern Volksgruppen von Belize opdeelt.
Börgermeesters
Düsse Börgermeesters hebbt de Stadt föhrt:Hector David Silva: Brief History of the Cayo District. SEYT, Juli 2010, Sied 63
Tied Börgermeester Partei 1958–1960 Hamid Musa NP 1961–1963 Hector Silva PUP 1964–1965 Santiago Perdomo PUP 1966–1968 Domingo T. Espat 1969 Armando Sabido 1970–1971 Eduardo V. Luna 1972 Gabriel Roches 1972 Fransisco Bautista 1973–1974 Joseph Andrews 1975 Teodocio Ochoa 1976–1978 Armando Sabido 1979–1980 Joseph Andrews 1980 Alberto Montero 1981–1983 Domingo Cruz, Sr. 1984 Rene Moreno 1985–1987 Eulogio Cano 1988–1989 Domingo Cruz, Jr. 1990 Victor August 1991 Salvador Fernandez 1992 Eulogio Cano 1993–1994 Alvaro Palencia ? Luis Manzanero 1995 Victor August ? Martin Galvez ? Marconi Matus ? Albert Bradley 1999? Desmond Berry 2000–2002 Orlando Habet PUP 2003–2005 Alfonso Cruz, Jr. 2006–2014 John August, Jr. 2015– Earl Trapp UDP
Weertschop un Infrastruktur
In San Ignacio besteiht dat San Ignacio Hospital un in Santa Elena dat La Loma Luz Hospital.
Verkehr
duum|De Hawkesworth-Brügg duum|Kreisel King Street/Burns Avenue in San Ignacio Dör’n Oort un mit de Hawkesworth-Brügg över’n Macal River föhrt de George Price Highway, de in’n Noordoosten över Belmopan na Belize-Stadt föhrt un in’n Süüdwesten na Benque Viejo del Carmen na de Grenz to Guatemala.
De nächsten Flegerplätz sünd de von Maya Flats bi Calla Creek un de Matthew Spain Airport in Central Farm.
Scholen
Dat gifft in de Stadt verscheden Grundscholen un dree högere Scholen: Sacred Heart College, Eden Seventh Day Adventist High School un Saint Ignatius High School.
Footnoten
http://citypopulation.de/Belize_d.html
Weblenken
Kategorie:Gemeen Kategorie:Distrikt Cayo