Rita Anna Angela Trapanese (* 8. Mai 1951 in Mailand; † 8. August 2000 in Gattatico) weer en italieensch Ieskunstlöperin, de in’t Eenzel antreeden is.
Trapanese weer van 1965 bit 1972 italieensch Meesterin in’t Ieskunstloop un is dormit natschonale Rekordhollerin. Van 1966 bit 1972 hett se an all Europameesterschapen deelnommen. Bi de Europameesterschap 1971 in Zürich wunn se de Bronzemedaille achter Beatrix Schuba un Zsuzsa Almássy. Dat weer de eerste Medaille för en italieensch Ieskunstlöperin bi Europameesterschapen. Hör gröttsten Erfolg fier de 1,55 m groot Athletin bi de 1972 in Göteborg, as se achter Beatrix Schuba Viez-Europameesterin vör Sonja Morgenstern, Zsuzsa Almássy un Christine Errath wurr. Se hett an veer Weltmeesterschapen deelnommen. Hör best Ergevnis weer dorbi 1971 Platz 5. Dorto hett se an twee Olympisch Winterspelen deelnommen – dat best Ergevnis bi disse Veranstaltungen weer Platz 7 bi de Spelen 1972 in Sapporo.
Trapanese weer mit Maurizio Vaglini, den Baas van dat Mailänder Krebsinstitut, verheiraadt.http://archiviostorico.corriere.it/2000/agosto/12/Schianto_autostrada_morta_Rita_Trapanese_co_7_0008127352.shtml Se is bi en Autounfall to Dood kommen.http://archiviostorico.corriere.it/2000/agosto/12/Schianto_autostrada_morta_Rita_Trapanese_co_7_0008127352.shtml
Weblinks Rita Trapanese in de Datenbank van Sportsreference.com (engelsch)
Enkeld Nahwiesen
Kategorie:Fru Kategorie:Börger von Italien Kategorie:Boren 1951 Kategorie:Storven 2000 Kategorie:Ieskunstlöper Kategorie:Olympiadeelnehmer (Italien)