Theoni Vahliotou Aldredge, (* as Theoni Athanasiou Vahliotou 22. August 1922 in Thessaloniki, Grekenland; † 21. Januar 2011 in Stamford, Connecticut) weer en US-amerikaansche Kledaaschmakersche mit greeksche Afstammen. För ehr Arbeiten bi Film un Theater is se mehrmols uttekent worrn.
Leven un Wark Theoni Athanasiou Vahliotou weer de Dochter vun en Generaldokter vun de greekschen Strietmächt, de later Afordente in’t greeksche Parlament worrn is. Se hett de amerikaansche School in Athen besöcht un studeer na ehrn Afsluss 1949 an de Goodman School of Drama in Chicago. 1953 hett se den Schauspeler Tom Aldredge heiraat, mit den se ehr heel Leven lang tosamen bleev.
Ehr Loopbahn as Kledaaschmakersche in de Filmweertschop füng 1955 mit den Film Stella an. Se hett mit de Johren mehr as föfftig Filmwarken mit ehr Kledaasch utstaffeert. Bito hett se vun 1959 an ok as Kledaaschmakersche bi Opföhren an Theaters an’n Broadway, woneem se ok groten Spood harr över de Johren. So is se nich blots mit Filmpriesen uttkeent worrn, man hett ok mehrmols den Tony Award wunnen. 1986 weer se in de American Theater Hall of Fame opnahmen.
Filmografie (Utwahl) Johr Titel 1955 Stella (Στέλλα) 1960 Pote tin Kyriaki (Ποτέ την Κυριακή)dt.: Sonntags… nie! 1962 Phaedra 1964 Topkapi 1966 You’re a Big Boy Nowdt.: Big Boy – Jetzt wirst du ein Mann 1968 Uptightdt.: Black Power 1969 Last Summerdt.: Petting 1970 I Never Sang for My Fatherdt.: Kein Lied für meinen Vater 1974 The Great Gatsbydt.: Der große Gatsby 1976 Harry and Walter Go to New Yorkdt.: Und Morgen wird ein Ding Gedreht 1976 Network 1977 Semi-Toughdt.: Zwei ausgebuffte Profis 1978 The Furydt.: Teufelskreis Alpha 1978 The Cheap Detectivedt.: Der Schmalspurschnüffler 1978 Eyes of Laura Marsdt.: Die Augen der Laura Mars 1980 Loving Couplesdt.: Ein Walzer vor dem Frühstück 1982 Annie 1984 Ghostbustersdt.: Ghostbusters - Die Geisterjäger 1987 Moonstruckdt.: Mondsüchtig 1989 We’re No Angelsdt.: Wir sind keine Engel 1990 Stanley & Irisdt.: Stanley und Iris 1991 Other People’s Moneydt.: Das Geld anderer Leute 1996 Mrs. Winterbourne 1996 The Mirror Has Two Facesdt.: Liebe hat zwei Gesichter 1996 The First Wives Clubdt.: Der Club der Teufelinnen
Utteken Aldredge weer för ehr Kledaasch ölven mol för Filmpriesen un fiefmol för den Tony-Theaterpries nomineert. Uttekent weer se söven mol: 1975: mit den Oscar in de Kategorie Best Kledaasch för The Great Gatsby 1975: mit den BAFTA Film Award in de Kategorie Best Kledaasch för The Great Gatsby 1977: mit den Tony Award in de Kategorie Best Kledaasch för Die Dreigroschenoper 1979: mit den Saturn-Pries in de Kategorie Best Kledaasch för Eyes of Laura Mars 1980: mit den Tony Award in de Kategorie Best Kledaasch för Barnum 1984: mit den Tony Award in de Kategorie Best Kledaasch för La Cage aux Folles 2000: mit den Pries för’t Levenswark vun de Costume Designers Guild Awards
Weblenken
Kategorie:Kledaaschmaker Kategorie:Börger von Grekenland Kategorie:Börger von de USA Kategorie:Boren 1922 Kategorie:Storven 2011 Kategorie:Fru