duum|Deel von Dangriga duum|Hööftstraat von Dangriga (2005) Dangriga (fröher ok Stann Creek Town) is de Hööftstadt von’n Distrikt Stann Creek von dat Land Belize. Dat is en Town.
Geografie
De Oort liggt an de Münn von’n North Stann Creek in de Karibische See. Dat Rebeed wieder baven den North Stann Creek rop warrt Stann Creek Valley nöömt. In’n Süüdwesten liggt de Gra-Gra-Lagoon-Natschonaalpark.
De Naveröörd sünd Hopkins un Silk Grass in’n Süüdwesten, Sarawee un Long Bank in’n Westen un Hope Creek, Melinda un Mullins River in’n Noordwesten.
Historie
De Oort is vör 1832 von Garifuna ut Honduras grünnt worrn un is bet vondaag de kulturelle Hööftstadt von de Garifuna-Kultur in Belize. Dangriga is dorüm ok de zentrale Oort för de Fiern to’n Garifuna Settlement Day, de elk Johr an’n 19. November fiert warrt.
Inwahnertall
De Inwahners weren bi’n Zensus 2000 to 63 % Garifuna, to 20 % Kreolen un to 12 % Mestizen. De Rest hett sik op de verscheden annern Volksgruppen von Belize opdeelt.
Börgermeesters
+ Börgermeesters Tied Börgermeester Partei 1959–1962 Allan Arthurs PUP üm 1965 Carlos Nolberto Alonzo Ogaldez üm 1984 Ted Castillo UDP 1985–1988 Francis Castillo PUP 1988–1994 Sylvia Flores PUP 1997 Francis Humphreys UDP 1997–1998 Joseph Sampson PUP 2002 Cassian Nunez PUP 2006–2009 Frank Mena UDP 2009–2012 Aaron Gongora UDP 2012–2015 Gilbert Swaso PUP 2015– Francis Humphreys UDP
Weertschop un Infrastruktur
In Dangriga besteiht mit dat Southern Regional Hospital en Krankenhuus mit 52 Bedden.
De Commerce Bight Port leeg veer Kilometer in’n Süden von de Stadt un hett von 1908 bet 2013 en groten Deel von’n Worenhannel in Süüd-Belize afwickelt.
Verkehr
De Oort is Ennpunkt von’n Hummingbird Highway, de in’n Noordwesten över Armenia na Belmopan an’n George Price Highway föhrt. Twüschen Sarawee un Hope Creek geiht von’n Hummingbird Highway na Süüdwesten de Southern Highway af, de över Dump na Punta Gorda löppt.
Von 1908 bet 1937 hett dat mit de Stann Creek Railway en Bahnlien geven, de von Dangriga bet Middlesex güng.
De Flegerplatz Dangriga liggt an’n Noordrand von’n Oort.
Lüüd
1887: Thomas Vincent Ramos, Garifuna-Aktivist 1930: Osmond P. Martin, Bischop 1954: Pen Cayetano, Musiker 1955: Arlie Petters, Physiker 1993: Rakeem Nuñez-Roches, American-Football-Speler
Footnoten
http://citypopulation.de/Belize_d.html
Weblenken
Kategorie:Gemeen Kategorie:Distrikt Stann Creek