duum|Planten Een Plant (f., Mt. Planten) is een Leevwesen, wat to de Eukaryoten höört un Photosynthees maakt. Af un an gifft dat ook Planten, de dat nich doot, aver denn hebbt ehr Vöröllern dat maakt.
Planten sünd tomeist greun. Wi ünnerscheedt fattlose Planten un Fattplanten, Krüter un holtige Planten. De meesten Planten (buten de Algen) hebbt: een Wuddel, wo se Water un Solten opnimmt een Stängel, Halm oder Stamm, de de annern Deelen dragen deit Bläder, de sünnerlich för de Photosynthees tostännig sünd de Blöte, de blöht un de för dat Foortplanten tostännig is. To Planten, de blöht un keen Bööm sünd, seggt wi ook Bloom.
Wetenschapen un Bruuk Mit de Planten befaat sick de Biologie, sünnerlich de Botanik. Veele Planten, so as de Weten, de Kantüffeln, de Haber un de Roggen warrt in de Bueree trocken un deent uns as Eten, jüst as dat Grööntüüch, wat in’n Goornbo trocken ward.
Kiek ok bi Projekt:Plantennaams up Platt
Weblenken http://www.blumen-evers.de Plattdüütsche Blomen-, Bööm- un Plantennaams, ok dorbi sünd de Naams in Düütsch, Engelsch un de botanschen Naams no de niegeste Nomenklatur
Kategorie:Planten