duum|Blick över’n Oort von Noorden ut keken (2015) duum|Benque Viejo del Carmen 1965 Benque Viejo del Carmen oder körter Benque Viejo is en Gemeen in’n Distrikt Cayo von dat Land Belize. De Inwahners sünd vör allen Mestizen.

De Oort liggt direkt an de Grenz na dat Departamento Petén von Guatemala.

Geografie

De Oort liggt op en Höögd von 129 m över de See an dat rechte Över von’n Mopan River. Na Süden to doot de Maya-Bargen liggen.

De Naveröörd sünd Calla Creek in’n Noorden, San Jose Succotz, San Ignacio un Cristo Rey in’n Noordoosten, San Antonio in’n Oosten, Augustine in’n Süüdoosten, Arenal in’n Süüdwesten un Melchor de Mencos in’n Westen.

Mit San Jose Succotz is de Oort al tohoopwussen.

Historie

En poor Kilometer in’n Noorden von de Stadt doot de Maya-Ruinen von Xunantunich liggen. Ok vondaag leevt in dat Rebeed noch Mayas.

De hüdige Oort is aver eerst in dat 19. Johrhunnert von Inwannerers ut Guatemala grünnt worrn. De eersten Inwahners weren Holtfällers. Dat Holt is över Mopan River un Belize River na de Küst flött worrn.

Elk Johr an’n 15. Juli warrt in Benque Viejo en Fiesta to Ehren von Uns Hillige Fro von’n Barg Karmel (Virgen del Carmen) fiert.

Inwahnertall

De Inwahners weren bi’n Zensus 2000 to 93 % Mestizen un to 3 % Maya. De Rest hett sik op de verscheden annern Volksgruppen von Belize opdeelt.

Börgermeesters

üm 1964: Pedro Guerra Mena 1982–1983: Pedro Guerra Mena (UDP) 2000–2003: Gerardo Marconi Sosa (UDP) 2003–2006: Said Badi Guerra (UDP) 2006–2009: Gerardo Marconi Sosa (UDP) 2009–2015: Nicholasito Russel Ruiz (UDP) 2015–: Heraldo Ramcharan Jr. (UDP)

Weertschop un Infrastruktur

Verkehr

Dör’n Oort föhrt de George Price Highway, de in’n Noordoosten över San Ignacio/Santa Elena un Belmopan na Belize-Stadt föhrt un in’n Westen na Melchor de Mencos. Dor in Guatemala löppt de Straat wieder as CA-13 na Flores.

In de Neegd liggt de lüttje Flegerplatz von Maya Flats.

Scholen

In Benque Viejo del Carmen gifft dat ünner annern de Mount Carmel Primary School, de Nazarene Primary School, de Mount Carmel High School, dat John Paul II Junior College un de Mopan Technical High School.

Footnoten

http://citypopulation.de/Belize_d.html

Weblenken

Kategorie:Gemeen Kategorie:Distrikt Cayo