Alwersdörp (düütsch: Albertsdorf) is een Dörp op de Insel Fehmarn un een Stadtdeel vun de Stadt Fehmarn in den Kreis Oostholsteen in Sleswig-Holsteen.
Grött: ca. 330 ha. Inwahners: ca. 110 (2002) Auto-Kennteken: OH (Oost-Holsteen) Telefonvörwahl: 04371 Laag: Op de Südsied vun de Insel Fehmarn in de Oostsee, Naberdörper sünd Gold, Strukkamp, Avendörp, Blieschendörp, Teschendörp un Westerbargen.
De Dörp steiht in Nord-Süd-Richtung. De Hüüsreeg sünd 86 m uteenanner. In Norden von Alwersdörp weer fröher een seeorte Neederung, de sogenannte Reihde (ca. 20 ha.). De Reihde weer dörch de lütte Fleet Reusensteert mit de Oostsee verbunnen. Na de Stormfloot 1872 hebbt se 1873 een Diek bi Alwersdörp boot.
Geschicht
Na dat Waldemar-Erdbook vun 1230 harr Alwersdörp 14 mansi Landbesitt.
An den Alwersdörper Strand weer fröher een grote Steenkamer (de sogenannte Alwersdörper Steenkist), awer de is all vör veel Johr tweigahn. Dor hebbt se Koorn utföhrt un Holt inföhrt. De Schipper- un Hannelsfirma Hiß harr ok een Kalkaben bi Alwersdörp. Dor hebbt se Kalk ut Seeland inföhrt un brannt un as Bookalk verhökert. Later is de Firma na’n Staaken trocken un de Anlagen sünd afreten woren.
Een Spottgedicht öwer Alwersdörp:
„So schnaaks see oftmals sünt un so kommodig see ook sünt annerthalv von een Kalwersdörper warrt ümmer blots een Alwersdörper Un ehr Dörplöpersch dee hött Flöh.“
Een anner geit so: „Too Alwersdörp... too Alwersdörp... dohr fangen see veele Fische op Gold geiht lustig denn to Dische verbiestert mal mit Hot un Hund kopheistert een in’n natten Sund.“
Kategorie:Oort Kategorie:Fehmarn