Stanford University

mini|Hööftingang van de Stanford University mini|Memorial Church mini|Vörhoff un Parkanlaag vör de Memorial Church mini|Bagengang mini|Översicht över den Campus

De Leland Stanford Junior University (kört Stanford University oder Stanford, Ökelnaam „Die Farm“) is en private US-amerikaansch Universität in Stanford, Kalifornien. Se liggt etwa 60 Kilometer südöstlich van San Francisco dicht bi Palo Alto un wurr van Leland Stanford un sien Ehfru Jane Stanford 1891 in‘n Andenken an hör fröh storven, eenzigen Söhn grünnd. To Tiet sünd 16.122 Studenten an de Universität inschreeven un studeeren an een van de söben Fakultäten. De Präsident is aktuell Marc Tessier-Lavigne., afropen an’n 26. Februar 2017

De Stanford University is en van de forschungsstarksten un renommeertesten Universitäten up de Welt.Forschung und Lehre – Dossier Hochschulen in den USA, Oktober 2008von Sydow/Többe/Staschen, Handbuch Studium und Praktikum im Ausland, 2004, S. 28. Siet hör Grünnen wurrn 30 Lehrkräfte mit den Nobelpries uttekent.– Nobelpreisträger – Stanford De Universität hett mehr Winner van den Turing Award („Nobelpries för Informatik“) as jede anner Inrichtung weltwiet un aktuell 18 Nobelpriesdräger, veer Dräger van den Pulitzer-Pries un 24 MacArthur-Fellows., afropen an’n 22. August 2012 In verscheeden Bewertungen för akademische Institutschonen reckt de Universität regelmaatig Positschonen an de Tipp.

Stanford liggt ganz dicht to dat Silicon Valley un gellt as entscheeden Wassdomsfaktor van de Region. De Universität hett völ Grünner van bekannt IT-Ünnernehmen, to’n Bispeel Google, Yahoo, Hewlett-Packard, Cisco Systems, hervörbrocht un fördert bi hör Studenten un Lehrkräften en utpräägt Kultur van dat innovativ Ünnernehmerdom.Stanford Technology Ventures Program, afropen an’n 22. August 2012Stanford Facts: Research, aafropen an’n 22. August 2012

In‘n Hoochschoolsport is de Stanford University mit hör Team Cardinal in de Liga Pacific-12 Conference (PAC-12) vertreeden un nimmt an völ verscheeden Sportwettbewarfen deel. Bi de Olympisch Sömmerspelen in Peking 2008 hemm Sportler van de Universität 25 Medaillen, dorünner 8 Goldmedaillen wunnen. 2012 in London hemm 12 Sportler van Stanford Goldmedaillen haalt., afropen an’n 22. August 2012

Stanford is mit en Stiftungsvermögen van 24,8 Mrd US$ (Stand August 2018) en van de rieksten Hoochscholen weltwiet. Siet 2008 heevt Stanford kien Studiengebühren (tuition fees) mehr bi undergraduate students, deren Öllern weniger as 100.000 US-Dollar in’t Johr verdeenen. Dormit kann rund een Drüddel van all Bachelorstudenten gebührenfree studeeren.Studiengebühren erst ab 100.000 Dollar Familieneinkommen Spiegel Online, 22. Februar 2008.

Geschichte De Entsluss, Stanford to grünnen, full dör den fröheren kalifoornschen Ünnernehmer un Gouverneur Leland Stanford un sien Fru Jane wenige Week nah den Dood van hör eenzig, 15johrigen Söhn Leland Stanford junior in dat Johr 1884. Se hemm Geld för dat Uprichten van de nah hör Söhn nömmt Universität un en Areal in de Bay Area, etwa 60 Kilometer südlich van San Francisco, to Verfügung stellt. Nah en sössjohrig Plaan- und Bautiet wurr de Universität an’n 1. Oktober 1891 apen maakt un de Lehrbedriev upnommen. (PDF; 4,1 MB), afropen an’n 1. Oktober 2010.

De Stanford University weer in hör Konzeptschoon för de dormalige Tiet wat besünners, denn se hett dat mögelk maakt, dat Fruen un Mannlüüd gliekermaaten studeeren kunnen un weer ok mit kien Religionsgemeenschap verbunnen. Nah den Willen van dat Ehepaar Stanford sull an de amerikaansch Westküst en bedüüdend private Hoochschool entstahn. Bi en Besöök in Boston hemm sück de Standfords bi den dormaligen Präsidenten van de der Harvard University, Charles Elliot, erkunnigt, wu völ dat kösten würr, Harvard in Kalifornien quasi noch mal uptorrichten, woruphen de antwoort hett, dat 5 Millionen Dollar (Kurs van 1884) recken sullen.Stanford University Archives, afropen an’n 23. August 2012. De eerst Johren hemm sück aber trotz dat groot Vermögen van de Stanfords as swoor dorstellt. Tietwies hett Jane Stanford persönliche Gegenstände verpännd, um de loppen Kösten van de Universität decken to können. Insbesünnere en Rechtsstriet 15 Millionen Dollar hett dat Budget van de Universität belast. Nahdem de Striet bileggt weer, beter sück de finanzielle Situatschoon aber düchtig, worto maatgevlich de 30 Millionen Spende van Jane Stanford in dat Johr 1901 bidraagen dee. Stanford University Gets $30,000,000, New York Times van’n 10. Dezember 1901

In de Folgejohren is dat universitäre Leven upbleut, wiel völ verscheeden Fakultäten grünnd wurrn. In de 1920er Johren wurr dör den Stanford-Afsolventen un lateren Präsidenten van de USA, Herbert Clark Hoover, de Grundstock för de latere Hoover Institution gelegt. 1934 wurr de Alumni Vereenigung van de Stanford University grünnd, de noch hüüd en dragend Rull in de Ünnerstütten un Fortentwicklung van de Universität speelt.

Wiels un nah den Tweeten Weltkrieg wurr de Universität to en van de Wassdomsmotoren van dat Silicon Valley un hett de wertschapliche, kulturelle un wetenschapliche Entwicklung van de Region um San Francisco nahhollend vöranbrocht, insbesünnere ok dör dat Entstahn van de Internetbranche un den E-Commerce. De Hoochschool is siet 1900 Liddmaat van de Association of American Universities, en siet 1900 bestahn Verbund van führend forschungsintensiv nordamerikaansch Universitäten.

Dat Motto van de Universität, dat de Segel un all Andenken van de Hoochschool ziert, is in düütsch verfaat: „Die Luft der Freiheit weht.“ De Satz geiht up den düütschen Humanisten Ulrich von Hutten (1488–1523) torüch un wurr van David Starr Jordan, den eersten Präsidenten van de Stanford University, inführt.Gerhard Casper: Die Luft der Freiheit weht – On and Off, Stanford University 5. Oktober 1995 , afropen an’n 18. Januar 2019

Van 1992 bit 2000 weer de düütsche Rechtswetenschapler Gerhard Casper Präsident van de Hoochschool.

Campus De Stanford University befinnd sück up en 3310 ha grooten Campus un liggt rund 60 Kilometer südöstlich van San Francisco un 32 Kilometer nordwestlich van San José. Ganz dicht bi liggt de Stadt Palo Alto, en van de Zentren van dat Silicon Valley.

De Grund un Bodden wurr an’n 11. November 1885 van Leland Stanford to de Grünnen van de Universität stift un is bit hüüd in dat Stiftungsvermögen bunnen un kann nich verköfft wurrn. Dorup hett Leland Stanford grooten Wert leggt, denn, dat se nicht verköfft wurrn kunn, sull sien Ansicht nah de Universität „en grötter Inkommen sekern as jede anner Geldanlaag“. (PDF; 2,4 MB), Utgaav 19, Fröhjahr 1995, Nr. 1–2, S. 3 (). Blots eenige Randrebeeden, de Leland Stanford de Universität later noch dortokommen leet, kunnen theoretisch verköfft wurrn, faktisch wurrn se aber nipp un nau so behannelt, as de Stiftungsbodden.

De Campus wurr tonächst in’n Sömmer 1886 dör Frederick Law Olmsted, en Bostoner Landschapsarchitekt, plaant, de de oorsprünglich plaant Laag in dat hügelig Gelände togunsten van de Laag in dat Flaakland afännern dee. Later hett Charles Allerton Coolidge de Planung övernommen un hett den Campus nah den Willen van dat Ehepaar Stanford in‘n Stil van dat Europääsch Beaux-Arts upricht. De Architektur van dat Campus wurrd dör quaderförmige Sandsteenbauten mit root Daaken präägt, de dör mit Rundbagen utsmückt Arkadengänge verbunnen sünd. Se sünd den Stil van kalifoornsch Missionsstatschonen nahempfunnen. In‘n Kontrast mit den normalerwies hellblauen Himmel van de Region geevt se den Campus en charakteristisch Utsehn, dat de eerste Präsident David Starr Jordan as folgt beschreeven hett:

Zitat: The yellow sandstone arches and cloisters, the red-tiled roofs against the azure sky, make a picture that can never be forgotten, itself an integral part of a Stanford education.

mini|340px|Arkadengänge un Hoover Tower van den Main Quad ut sehn Hartstück van de Campusarchitektur is de „Main Quad“ (in etwa: Hööft-Veereck, in den Sinn van „veereckig Platz“) un de „Memorial Church“. Den Togang to’n Campus bildt de so nömmt Palm Drive, de up en ovalen Platz (The Oval) führt. Wiedere wichtige Punkte up den Campus sünd dat Cantor Center for Visual Arts, de Hoover Tower, de Rodin Garden un dat Radiotelescope (The Dish).

Südlich van den Hööftcampus befinnd sück en to de Universität hörrn Umweltreservat, dat Jasper Ridge Biological Preserve, dat van Biologen för Forschungszwecke, to’n Bispeel de nächtliche Beobachtung van Fleddermüüs, bruukt wurrd un en Grött van 490 ha hett.

De meest Studenten van de Universität wahnen up dat Campusgelände. Van de Bachelor-Studenten sünd dat rund 95 %, bi de Master-Studenten un Doktoranden bedrocht de Antall över 56 %. Ok 30 % van de Perfessers wahnen hier.

De Campus is en anseggt Teel för Touristen, so dat dat Stanford Visitor Center tweemal an’n Dag för jewiels een Stünn Führungen dör Studenten van de Universität över dat Gelände anbütt.

60 % van de Campusflach sünd ok hüüd noch nich bebaut.

Organisatschoon De Stanford University is as so nömmt corporate trust organiseert un moot kien Stüern betallen. Leit wurrd de van en Board of Trustees, to dat 35 Personen hörrn. Disse ööven hör Amt in de Regel fief Johr lang ut un können hööchstens tweemal nahnanner (also maximal teihn Johr) to dit Gremium hörrn. De Liddmaaten överwaaken ok de Tätigkeit van den Stanford Research Park, dat Stanford Shopping Center, dat Cantor Center for Visual Art, dat Stanford University Medical Center un van völ anslooten medizinisch Inrichtungen.

Dat Board of Trustees bestimmt en Präsidenten, leggt de Plichten van de Perfeesers as ok de Studiengänge fast un befaat sück mit all finanziellen un wertschaplichen Fragen van de Universität. Tosätzlich to den Präsidenten wurrn buterdem 9 Viezpräsidenten nömmt. To Tiet is de Neurowetenschapler Marc Tessier-Lavigne de 11. Präsident van de UniversitätAbout Stanford, Stanford University [https://www.stanford.edu/about/ afropen an’n 21. Januar 2019. He wurr an’n 1. September 2016 Präsident un hett dormit de Nahfolge van den US-amerikaanschen Perfesser för Elektrotechnik un Informatik John LeRoy Hennessy in dit Amt antreeden.

De Stanford University ünnerdeelt sück in söben Schools, vergliekbar mit düütsch Fakultäten. Dat sünd de School of Humanities and Sciences (umfaat de Geistes, Natur- un Sozialwetenschapen), School of Engineering (Ingenieurwetenschapen), School of Earth Sciences (Geo-, Energie- un Umweltwetenschapen), School of Education (Uptreckenswetenschapen un Lehramtsutbillen), Graduate School of Business (Wertschaftswetenschapen), Law School (Rechtswetenschap) un de School of Medicine (Medizin).

Stiftung Dat Stiftungsvermögen van de Universität wurrd van de Stanford Management Company verwalt un bedrocht aktuell (2018) 24,8 Milliarden US-Dollar. To’n eenen decken de Erdrääg ut de Anlaag van dat Stiftungsvermögen de jedes Johr anfallen Utgaaven van de Universität, up de anner Siet wurrn Deelen van de Erdrääg weer to dat Stiftungsvermögen torüchführt. Neben disse Erdrääg tellen ok noch Geld ut de direkte Forschungsförderung (to’n Bispeel van de Bundsregeeren), Spenden (kiek ünnern ünner Fundraising) un de Studiengebühren to de wichtig Innahmen.

Ut dat Stiftungsvermögen wurrn ebenfalls in grooten Umfang Finanzhilfen för Studeerende van de Stanford-Universität parat stellt. 2011 wurn 23 % van de Stiftungserdrääg för de finanzielle Ünnerstütten van Studeerenden utgeeven. Report 2011, S. 31 (PDF; 5,1 MB). Mit 20 % van de Erdrääg wurrn de Fakultäten un de Lehrkörpe betallt, wiels 29 % för Forschung un Lehre insett wurrn. De Rest wurrd för Bibliotheken un anner Saaken utgeeven. Dat Stiftungsvermögen macht den mit Afstand gröttsten Andeel an dat Gesamtvermögen (dormals (2011) 22,6 Milliarden US-Dollar) van de Universität ut.

Fundraising