duum|Koort mit de Partidos En Partido is en Verwaltungseenheit in de Provinz Buenos Aires in Argentinien. De annern Provinzen von Argentinien nöömt düsse Verwaltungseenheit Departamento. Anners as de Departamentos gellt de 135 Partidos gliektiedig ok as Municipios (also Gemenen). De Partidos sünd opdeelt in Öörd (localidades), de aver keen egen Verwaltungsstruktur hebbt. De Oort, in den de Verwaltung ehren Seet hett, warrt cabecera nöömt.

Struktur

+ Tall Raadsmaten na Inwahnertallna Dekret 6769/58 Inwahnertall Matenünner 5.00065.000-10.0001010.000-20.0001220.000-30.0001430.000-40.0001640.000-80.0001880.000-200.00020över 200.00024

Dat Leid von’n Partido hett de Intendente, de de Exekutive utöövt.

De Legislative sett sik ut’n consejo deliberante (Raad von’n Partido) mit 6 bet 24 Maten (afhängig von de Inwahnertall, kiek in de Tabell) un den consejo escolar (Schoolraad) mit 4 bet 10 Maten tohoop. De Organe warrt all veer Johr von dat Volk wählt. Dorbi warrt jümmer de halve Deel von’n Raad twee Johr versett wählt.

De Intendente kann jüstso as de Raadsmaten na twee Wahlperioden nich mehr wedderwählt warrn. Wenn de Person een Wahlperiood utsett hett, dröff se wedder antreden.

Historie

De eersten Partidos sünd utgangs dat 18. Johrhunnert in dat Achterland von de Stadt Buenos Aires grünnt worrn, de bet 1880 de Hööftstadt von de Provinz weer. In düsse Tied hett in de Partidos de Stadtraad (Cabildo) von Buenos Aires en Alcalde (Alcalde de la Santa Hermandad) as Richter insett, de över dat Recht in dat Rebeed waken dee. Nadem 1821 de Cabildo von Buenos Aires oplööst worrn is, weer de Guvernör von de Provinz tostännig för dat Insetten von’n Richter, de nu Fredensrichter (Juez de Paz) nöömt worrn is.

1856 is dat Amt von’n Fredensrichter wedder afschafft worrn. För em keem nu en Gemeenpräsident (Presidente de la Municipalidad). De Partidos hebbt dree Kannedaten för’n Gemeenpräsident vörslahn un de Guvernör hett denn een von de dree utwählt.

Siet 1890 heet de Vörmann von dat Partido Intendente un warrt direkt von de Börgers wählt.

1864 weer de Provinz kumplett opdeelt in 45 Partidos, de mit dat Wassdom von de Inwahnertallen in’n Verloop von dat 19. un 20. Johrhunnert noch wieder opdeelt worrn sünd, so dat dat vondaag 135 Partidos gifft.

List