duum |Maya-Bargen in’n Distrikt Cayo De Maya-Bargen (, ) sünd en Barggrupp in Belize un in’n Oosten von Guatemala (Departamento Petén). De höögsten Bargen sünd Doyle’s Delight mit un de Victoria Peak mit . De Naam von de Bargen kummt dor von, dat dat Rebeed von öllers to de Heimaat von de Maya tellt. Vondaag leevt dor Mayas ut de Gruppen von de Mopan un de Kekchí. Dat gifft in dat Rebeed ok en ganze Reeg von Maya-Ruinensteden, so as Lubaantun, Nim Li Punit, Cahal Pech, Xunantunich, Ixcún un Chaa Creek.
In’n Westen un Noordwesten grenzt de Bargen an dat Becken von Petén. In’n Noordoosten, Oosten un Süüdoosten slütt sik dat siede Küstenland von Belize langs den Golf von Honduras an.
De Bargen bestaht vör allen ut Oorwoold. Dörper gifft dat blots in de Randrebeden un in dat Pomona Valley langs’n North Stann Creek. De Oorwoold is dör verscheden Schuulrebeden schuult. Dorto höört: Actun Tunichil Muknal Natural Monument, Bladen Nature Reserve, Caracol Archeological Reserve, Chiquibul Forest Reserve, Chiquibul-Natschonaalpark, Cockscomb Basin Wildlife Sanctuary, Columbia River Forest Reserve, Five-Blues-Lake-Natschonaalpark, Manatee Forest Reserve, Mango Creek Forest Reserve, Maya Mountain Forest Reserve, Mountain Pine Ridge Forest Reserve, Nojkaaxmeen-Eligio-Panti-Natschonaalpark, Sibun Forest Reserve, Sittee river Forest Reserve, Tapir Mountain Nature Reserve, Thousand Foot Falls Natural Monument, Vaca Forest Reserve, Victoria Peak Natural Monument un in Guatemala de Reserva de la Biosfera Montañas Mayas Chiquibul.
De Actun Box Ch'iich', de deepste Höhl in Belize liggt ook in den Maya-Bargen.
Bargen
To de Bargkeden in de Maya-Bargen, de an’n dullsten opfallt, höört de Cockscomb Range, to de ok de Victoria Peak totellt.
Barg Höögd in m Doyle’s Delight 1124 Victoria Peak 1120 Richardson Peak 960 Copetilla 931 Mount Mossy 911 Arthur’s Seat 880 Mount Margaret 840 The Molar 781 Cerro Miramar 557
Weblenken
Kategorie:Belize Kategorie:Departamento Petén