duum|Luftbild von Belmopan (2015) duum|Parlamentsgebüüd in Belmopan Belmopan is de Hööftstadt von Belize. Dat liggt in’n Distrikt Cayo.

Geografie

De Stadt liggt in dat Binnenland von Belize op en Höögd von 76 Meter över de See. Dat liggt an dat Oostöver von’n Belize River un’n Roaring Creek.

De Öörd ümto sünd More Tomorrow in’n Noordoosten, Cotton Tree, St. Matthew’s un Frank’s Eddy in’n Oosten, Armenia un Agua Viva in’n Süden, Arizona un Teakettle in’n Süüdwesten, Camalote un Roaring Creek in’n Westen un Valley of Peace in’n Noordwesten.

Historie

Nadem de ole Hööftstadt Belize-Stadt an’n 31. Oktober 1961 bi’n Hurrikan Hattie swore Schadens nahmen hett, hett Brietsch-Honduras (nu Belize) 1965 beslaten, de Hööftstadt in dat Binnenland to verleggen. De Stadt Belmopan is an’n 1. August 1970 grünnt worrn. De Naam Belmopan is en Kunstbegreep un wurr ut de Wöör Belize un Mopan (Böverloop von’n Belize River) tosommensett.

Stadtdelen von Belmopan sünd Salvapan, San Martin, Las Flores, Maya Mopan un Riviera.

Inwahnertall

De Inwahners weren bi’n Zensus 2000 to to 49 % Mestizen, 26 % Kreolen, to 10 % Maya un to 6 % Garifuna. De Rest hett sik op de verscheden annern Volksgruppen von Belize opdeelt.

Verwaltung

Belmopan stünn lange Johren ünner dat Leid von de Reconstruction and Development Corporation, en Organisatschoon, de 1963 inricht worrn is, üm de Schadens dör Hurrikan Hattie wedder goodtomaken. De Inwahners von Belmopan hebbt sik denn 1999 dor för utspraken, dat se normaal — jüstso as annere Städer in Belize — en Börgermeester un Stadtraad wählt. De eerste wählte Börgermeester weer denn in dat Johr 2000 Anthony Chanona.

+ Börgermeesters Tied Naam Partei 1. März 2000–1. März 2006 Anthony Chanona PUP 1. März 2006–4. März 2015 Simeon López UDP 4. März 2015– Khalid Belisle UDP

Partnerschoppen

Belmopan hett en Partnerschop mit Lansing in de USA.

Weertschop un Infrastruktur

Verkehr

De Stadt liggt an’n George Price Highway, de in’n Süüdwesten över Santa Elena un San Ignacio na Melchor de Mencos in Guatemala föhrt un in’n Noordoosten na Belize-Stadt. In’n Süüdoosten geiht von’n George Price Highway de Hummingbird Highway af, de na Dangriga löppt.

De Flegerverkehr löppt över’n Hector Silva Airstrip.

Footnoten

http://citypopulation.de/Belize_d.html

Weblenken

Websteed von de Stadtverwaltung von Belmopan (engelsch)

Kategorie:Distrikt Cayo Kategorie:Stadt Kategorie:Hööftstadt