mini|Arthur Ashkin 2018 Arthur Ashkin (* 2. September 1922 in New York City; † 21. September 2020) weer en US-amerikaansch Experimentalphysiker. Ashkin wurr 2018 gemeensam mit Gérard Mourou un Donna Strickland för „bahnbreekend Utfinnen in den Beriek van de Laserphysik“ den Nobelpries för Physik uttekent.
Arthur Ashkin weer mit 96 Johren de öldste je mit de Nobelpries uttekent Minsch.The Latest: Ashkin Is Oldest Nobel Laureate Ever In dat Folgejohr wurr he aber van John Bannister Goodenough aflööst.
Leven un Wark Ashkin, de ut en jöödsch Familie stamm,Arthur Ashkin of the United States, who is Jewish, wins one half of the nine million Swedish kronor (about $1.01 million) prize, while Gerard Mourou of France and Donna Strickland of Canada share the other half. is in Brooklyn upwussen un hett an dat Columbia College studeert, wo he 1947 sien Bachelor kreeg. Van 1942 bit 1946 hett he sien Studium ünnerbraken, um an dat Radiation Laboratory van dat Massachusetts Institute of Technology as Radartechniker to arbeiten. 1952 kreeg he sien Doktertitel an de Cornell University. Af 1952 weer he an de Bell Laboratories, wo he 1992 in den Ruhestand gung. Dornah hett he aber in sien eegen Labor wieder arbeit. Van 1963 bit 1987 weer he an den Bell Laboratories Baas van de Afdeelen Laserphysik un he hett an den Bell-Labs över Mikrowellen, nichtlineare Optik un Laser-Fallen forscht.
He gellt as Vader van dat Optical Trapping, dat Prinzip, Atomfallen mit Lasern to bauen, un van optischen Pinzetten. Ünner anner dorför kreeg sien Kolleeg Steven Chu, mit de he tosommenarbeiten dee, 1997 den Nobelpries. Eerste Experimente dorto hett Ashkin 1967 maakt: he wies, wu man lütt Latex-Kugeln (Dörmeter in’n Mikrometerberiek) mit Lasern bewegen un ok infangen kunnAshkin, Physical Review Letters, Bd. 24, 1970, S. 156.. Dat Infangen van Atomen gelung denn nah de Entwicklung van optischen Köhlenstechniken (dör Theodor Hänsch, Arthur Leonard Schawlow, John Lewis Hall un annern) de Grupp van Ashkin un Chu Midden van de 1980er JohrenChu, Bjorkholm, Ashkin, Cable Experimental observation of optically trapped atoms, Physical Review Letters, Bd. 57, 1986, S. 314 Abstract. Ashkin hett de optische Pinzette in de Folg up biologische Objekte (Bakterien, Viren, Körperzellen) anwennd.Ashkin, Dziedzic: Optical trapping and manipulation of viruses and bacteria, Science, Band 235, 1987, S. 1517–1520Ashkin, Dziedziec, Yamane, Optical trapping and manipulation of single cells using infrared laser beams, Nature, Band 330, 1987, S. 769–771
He hett mit sien Kollegen de eerste Beobachtung van Frequenzverdüpplung (Second harmonic generation) an Düersamstreeklasern (cw Laser),Ashkin, G. D. Boyd, J. M. Dziedzic, Observation of continuous optical harmonic generaton with gas masers, Phys. Rev. Lett., Band 11, 1963, S. 11–16 parametrischer Verstärkung an DüersamstreeklasernAshkin, G. D. Boyd, Theory of Parametric Oscillator Threshold with Single-Mode Optical Masers and Observation of Amplification in LiNbO3, Phys. Rev., Band 146, 1966, S. 187 un van den photorefraktiven Effekt (1966) maakt.A. Ashkin, G. D. Boyd, J. M. Dziedzic, R. G. Smith, A. A. Ballman, J. J. Levinstein, K. Nassau: Optically induced refractive index inhomogeneities in LiNbO3 and LiTaO3. In: Applied Physics Letters. Band 9, Nr. 1, 1966, S. 72–74 Ashkin hett ok över nichtlineare Optik, to’n Bispeel in Glasfasern arbeit un gellt as en van de Begrünner van de nichtlinearen Optik in Glasfasern.
Sien Bröer Julius Ashkin (1920–1982) weer ebenfalls Physiker.
Utteknungen un Liddmaatschapen 1984 Liddmaat van de National Academy of Engineering 1996 Liddmaat van de National Academy of Sciences 1998 Frederic Ives Medal. 2003: Joseph F. Keithley Award For Advances in Measurement Science 2004: Harvey-Pries 2018: Nobelpries för Physik
He is Ehrenliddmaat van de Optical Society of America un Fellow van de American Association for the Advancement of Science un de American Physical Society.
Schriften (Utwahl) Mit Utnahme van de in de enkeld Nahwiesen ziteerten Arbeiten.
Acceleration and Trapping of Particles by Radiation Pressure, Phys. Rev. Lett., Band 24, 1970, S. 156 Trapping of Atoms by Resonance Radiation Pressure, Phys. Rev. Lett., Band 40, 1978, S. 729 History of optical trapping and manipulation of small-neutral particle, atoms, and molecules, IEEE Journal of Selected Topics in Quantum Electronics, Band 6, 2000, S. 841–856 Optical trapping and manipulation of neutral particles using lasers, World Scientific 2006
Weblinks Website bi de OSA Arthur Ashkin Biography, American Institute of Physics, engelsch, afropen an’n 5. Februar 2018 Publikatschonsverteeken, Physics Tree
Enkeld Nahwiesen
Kategorie:Mann Kategorie:Börger von de USA Kategorie:Boren 1922 Kategorie:Storven 2020 Kategorie:Physiker Kategorie:Nobelpriesdräger (Physik)