Santa Elena is en Gemeen in’n Distrikt Toledo von dat Land Belize. De Inwahners sünd vör allen Maya von dat Volk von de Mopan un to en lüttjeren Deel von de Kekchí.
Geografie
De Oort liggt an’n Blue Creek.
De Naveröörd sünd San Jose un Na Lum Cah in’n Noordoosten, Santa Cruz in’n Oosten, Blue Creek in’n Süüdoosten, Aguacate in’n Süden, Pueblo Viejo un Jalacte in’n Süüdwesten un San Vicente in’n Westen. In’n Noorden liggt Oorwoold.
Historie
De Maya in de Ümgegend hebbt toeerst in de Siedlungsform von en Alkilo leevt.Maya Atlas: The Struggle to Preserve Maya Land in Southern Belize. North Atlantic Books, Berkeley 1997, Sied 50 Dat heet, enkelte Hüüs verstreit in’n Oorwoold. Eerst in de Midd von dat 20. Johrhunnert hebbt sik de Lüüd in Form von en Dörp tohoopfunnen. Düt Dörp hett toeerst Rio Blanco heten. As dat Dörp en Hilligenstatue von de Hillige Helena (spaansch Santa Elena) kregen hett, hebbt de Lüüd in dat Dörp beslaten, dat de Oort in Tokumst den Naam von de Hillige dragen schall. De Oort wählt en Alcalde.
Inwahnertall
Weertschop un Infrastruktur
Verkehr
Dör den Oort föhrt de San Antonio Road, de in’n Süüdwesten bi Jalacte na de Grenz na Guatemala löppt un de in’n Oosten in Dump in’n Southern Highway münnt.
De nächste Flegerplatz is de Punta Gorda Airport in Punta Gorda.
Scholen
De Oort hett en egen Grundschool.
Footnoten
Kategorie:Gemeen Kategorie:Distrikt Toledo