Young, Toledo & Company weer en Ünnernehmen in Brietsch-Honduras.
Historie
Dat Ünnernehmen is üm 1839 grünnt worrn un weer vör allen in’n Mahagoni-Hannel in’n Süüddeel von Brietsch-Honduras (vondaag Distrikt Toledo nöömt) aktiv. Dat Ünnernehmen harr toeerst Mahagoni-Kunzesschonen, de mit de Land Titles Acts von 1854 in Landbesittrechten övergahn sünd. Bet 1871 harr dat Ünnernehmen mehr as 1 Milljoon Acre (över 4000 km²) Land in Besitt.Joel Wainwright: Decolonizing Development: Colonial Power and the Maya. John Wiley & Sons, 2011 Dat Ünnernehmen is 1881 pankrott gahn. Dat Land von Young, Toledo & Company is an de Kroon trüggfullen un is denn ünner annern von de British Honduras Company opköfft worrn. En Deel güng aver ok an Bernard Cramer.
Nadem de Kunfedereerten den Amerikaanschen Börgerkrieg verloren harrn, hett dat Ünnernehmen Minschen ut de Süüdstaten von de USA inlaadt in’n Süden von Brietsch-Honduras Zuckerrohr-Plantaaschen antoleggen, üm de Weertschop in de Region in Swung to bringen (Kunfedereerte in Britsch-Honduras).
Footnoten
Kategorie:Ünnernehmen Kategorie:Belize Kategorie:Gifft dat nich mehr