Düünkarken (de.: Dünkirchen, fr.: Dunkerque, nl.: Duinkerke(n)) is ene Industrie- un Habenstadt in Noordfrankriek an de süüdliche Noordseeküst, knapp twintig Kilometer westlich vun de belgische Grenz to de Stadt De Panne. Verwaltungstechnisch is se de Seet vun ene vun de fief Ünnerpräfekturen vun den Bezirk Nord un gliektietig ene Gemeen in de Region Hauts-de-France. Se is ook de Hööftoort vun dat glieknaamige Arrondissement, wat to’n gröttsten Deel mit de Franzöösch-Westhoek övereenstimmt.
In de Stadt sülvs wahnt ruchweg negentigdusend Lüüd. Inwahners in dat Johr 2013 Tohoop mit sössteihn annern Nahwergemeenen billt de Stadt de Stadtgemeenschop vun Düünkarken, un bringt dormit de Inwahnertall up üm un bi tweehunnertdusend. Inwahners in dat Johr 2013 Weertschopplich is Düünkarken vun natschonaal Belang dör sien industrielle Seehaben dicht bi den Engelschen Kanal, mit twischen veertig un fieftig Milljonen Tünnen ümslagen johrlich. Milljonen Tünnen in dat Johr 2016 Dorüm is dit Seehabenrebeet dat drütt gröttste up dat Land na den vun Marseille un Le Havre.
Bekannt is de Stadt, sünnerlich in Franzöösch-Flannern, dör de Karneval vun Düünkarken, wat siet 1946 elk Johr fiert warrt.
Footnoten
Weblenkens
Websteed vun de Stadt (franzöösch) (engelsch) Websteed vun dat Seehabenrebeet (franzöösch) (engelsch) (chineesch)
Kategorie:Oort Kategorie:Frankriek Kategorie:Oort mit Seehaven