Pilgrimage Valley is en Gemeen in’n Distrikt Cayo von dat Land Belize.
Geografie
Dat Rebeed liggt twüschen Macal River un Belize River.
De Naveröörd sünd Esperanza in’n Noorden, Central Farm un Georgeville in’n Noordoosten, Cool Shade in’n Oosten, Upper Barton Creek in’n Süüdoosten, San Antonio in’n Süden, Cristo Rey in’n Süüdwesten, San Ignacio in’n Westen un Santa Elena in’n Noordwesten.
Historie
De Oort is 1966 von Mennoniten grünnt worrn, de ünner annern ut St. Joe in Arkansas un Snyder County in Pennsylvania kemen.Daniëlle Bovenberg, Carel Roessingh: . Sied 108 De Familien wullen sik mehr von de Welt un den Säkularismus isoleren. Dorto kemen Familien ut de Mennoniten-Kolonien, de sik al siet 1958 in de Ümgegend billt harrn.
Aver de Kolonie harr Probleme. De Isolatschoon von de Welt weer mit de grötteren Öörd San Ignacio un Santa Elena dichtbi swoor un ok mit Vehdeveree harr de Kolonie Probleme. Familien hebbt de Kolonie verlaten un sünd wedder na Noordamerika tagen oder in de anneren Mennoniten-Kolonien in Belize. Blots enkelte Familien sünd bet in de Nutied in Pilgrimage Valley bleven.
Weertschop un Infrastruktur
De Minschen leevt vör allen von de Bueree.
Verkehr
Dichtbi in Santa Elena löppt de George Price Highway vörbi, de in’n Süüdwesten na de Grenz na Guatemala löppt un in’n Noordoosten na Belmopan un Belize-Stadt.
Footnoten
Kategorie:Gemeen Kategorie:Distrikt Cayo