Jürgen Schneider (* 1. März 1938) is en düütschen Beamten.
Schneider is 1938 in’n Oberharz boren. Na dat Abitur hett he an de Universität Göttingen Juristeree studeert un sien Dokter maakt. Na dat Studium weer he bi’n Regerungsbezirk Stood, bi’n Landkreis Stood un denn twee Johr bi dat Binnenministerium von Neddersassen. He weer von 1972 bet 1994 Stadtdirekter von de Stadt Stood. 1994 is he as Staatssekretär in dat Binnenministerium von Sassen-Anholt ünner Manfred Püchel wesselt. Aver al 1998 hett he sik in’n Rohstand versetten laten. Von 2000 bet 2007 weer he Richter an’n Neddersassischen Staatsgerichtshoff.
He weer ok bi’n Neddersassischen Städerdag aktiv, ünner annern von September 1990 bet September 1993 as Präsident.Niedersächsischer Städtetag - Nachrichten. 2/2013, Winkler Stenzel, Borgwedel 2013, ISSN 1615-0511, Sied 39
Schneider leevt in Stood in’n Stadtdeel Hogenwedel.Björn Carstens: "Keine Buxtehuder Verhältnisse", Wochenblatt an’n 20. Mai 2015
Footnoten
Kategorie:Mann Kategorie:Beamten Kategorie:Boren 1938 Kategorie:Börger von Düütschland