De Snutenkävers (Curculionidae) sünd en Familie mank de Kävers (Coleoptera). Dor weert se to de Unnerornen vun de Polyphaga torekent. Up de ganze Welt gifft dat 40.000 bit 60.000 Aarden vun Snutenkävers. In en neejer Oversicht ut dat Johr 2007 weert 62.000 Aarden nömmt).Rolf G. Oberprieler, Adriana E. Marvaldi & Robert S. Anderson: Weevils, weevils, weevils everywhere. In: Zhang, Z.-Q. & Shear, W.A. (Eds) (2007) Linnaeus Tercentenary: Progress in Invertebrate Taxonomy. Zootaxa, 1668, 1–766. In Middeleuropa sünd bi 1.200 Aarden funnen wurrn, dormank bi 950 Aarden in Düütschland. Wenn bitherto bi 400.000 Aarden vun Kävers in de ganze Welt beschreven wurrn sünd, so maakt de Snutenkävers dor bi 15 % vun ut. Wenn een groff taxeern deit, datt bi 2 Mio. Aarden vun Deerter un Planten tosamen beschreven wurrn sünd, denn so maakt de Snutenkävers dor bi 3,2 % vun ut. Dor sünd de Snutenkävers mank all Leevwesens woll de Familie mit de meisten Aarden mit.
En Reeg vun Aarden ut düsse Familie warrt in de Bueree as Untüüch ankeken, vunwegen datt se de Minschen wat wegfreten doot. Dor höört de Koornkäver to, de al in de Antike in Ägypten uptreden dö. Annere Aarden gaht bi de Minschen ehre Vörröde bi. In jüngere Tied gifft dat avers ok Aarden, de weert bioloogsch gegen Unkruud insett. De meisten Aarden sünd man lüttsch un vundeswegen gor nich to sehn, wenn een nich nippe henkieken deit.
Systematik Hüdigendags warrt de Familie vun de Snutenkävers meist updeelt in 12 Unnerfamilien:
Brachycerinae Conoderinae Schönherr, 1833 Cossoninae Schönherr, 1825 Curculioninae Cyclominae Dryophthorinae Entiminae Lixinae Mesoptiliinae Molytinae (dormank Cryptorhynchinae) Schönherr, 1823 Karnkävers – (Platypodinae) Barkenkävers (Scolytinae) Latreille, 1806
Belege
Weblenken
Kategorie:Snutenkävers