Bössel () is en lütten Oort in de Gemeen Dörbern in’n Landkreis Veern, Neddersassen. Binnen de Gemeen höört de Oort to de polietsche Oortschop Städörp.

Geografie

Dat Water ut dat Rebeed flütt över de Wätern af, de bi Veern in de Aller münnt.

De Naveröörd sünd Ahnbargen in’n Noorden, Barnstäer in’n Oosten, Noke, Wessen un Hiddenhusen in’n Süüdoosten, Dörbern un Städörp in’n Süüdwesten un Geesfeld, Stäbargen un Wahnbargen in’n Noordwesten.

Historie

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Wessen in’n Kanton Wessen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Wessen in’n Kanton Rethen.

De Oort hett vör 1859 to de Vaagdie Dörbern in dat Amt Wessen-Thänhusen tohöört un von 1859 bet 1885 to dat Amt Veern. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort hett von öllers bi de Gemeen Geesfeld mit bihöört, de 1928/1929 an de Gemeen Städörp kamen is. De Gemeen Städörp wedder is an’n 1. Juli 1972 mit de Gemeenreform in Neddersassen Deel von de Gemeen Dörbern worrn is. Sietdem höört de Oort binnen de Gemeen to de Oortschop Städörp, de en egen Oortsvörsteiher hett.

Inwahnertall

Religion

Bössel is evangeelsch-luthersch präägt un höört to dat Kaspel von de Cosmae-un-Damiani-Kark in Dörbern.

För de Kathoolschen is de St.-Josef-Kark in Veern tostännig.

Weertschop un Infrastruktur

För Bössel is de freewillige Füürwehr Städörp mit tostännig.

Verkehr

De lüttje Straat, an de Bössel liggt, löppt in’n Westen na Geesfeld un Städörp an de Bundsstraat 215 un in’n Noordoosten na Barnstäer an de Kreisstraat 14.

De nächste Autobahn is de Autobahn 27 (Afsnidd Bremen–Wasra). De Opfohrten 25 Veern-Noord un 26 Veern-Oost doot all beid so 15 Kilometer in’n Noorden von Bössel liggen.

De nächste Bahnhoff is so bi fiev Kilometer wied weg in’n Süüdwesten de Bahnhoff Dörbern an de Bahnlien Bremen–Wunsdörp.

Footnoten

Kategorie:Oort Kategorie:Landkreis Veern