Lüttjen Wohlers () is en Oortsdeel von dat Dörp Wohlers in de Gemeen Brest (Samtgemeen Harsfeld) in’n Landkreis Stood, Neddersassen.
Geografie
De Oort liggt op de Stoder Geest. In’n Noorden liggt dat Naturschuulrebeed In’n Tadel. Dat Water ut dat Rebeed flütt över Doosthoffgraven un Wohlerster Beek na de Au hen af. Ut dat Rebeed in’n Westen von Lüttjen Wohlers flütt dat Water aver över’n Reither Beek na de Bever hen af.
De Naveröörd sünd Brest in’n Noorden, Doosthoff in’n Noordoosten, Kokerbeek un Wohlers in’n Oosten, Örsdörp in’n Süüdoosten, Winnerswohl in’n Süden, Fehrenbrook in’n Süüdwesten un Lüttjen Reith, Reith un Bredenbeek in’n Noordwesten.
Historie
Lüttjen Wohlers is eerst in dat 19. Johrhunnert grünnt worrn.
Verwaltungsgeschicht
Vör 1885 weer de Oort in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
De Oort hett fröher to de Gemeen Wohlers tohöört, de an’n 1. Juli 1972 mit de Gemeenreform in Neddersassen Deel von de Gemeen Brest worrn is.
Inwahnertall
Religion
Lüttjen Wohlers is evangeelsch-luthersch präägt un höört to dat Kaspel von de Primus-Kark in Bargst.
För de Kathoolschen is de St.-Maria-Kark in Buxthu tostännig.
Weertschop un Infrastruktur
För Lüttjen Wohlers is de freewillige Füürwehr Wohlers mit tostännig.
Verkehr
Dör Lüttjen Wohlers löppt de Kreisstraat 47, de in’n Noordwesten över Reith na Bredenbeek an de K 48 ran geiht un in’n Oosten över Wohlers un Kokerbeek na Hollenbeek an de Landsstraat 124.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so 22 Kilometer in’n Süüdoosten von Lüttjen Wohlers an de L 130. De Opfohrt 5 Hornborg op de Autobahn 26 (Afsnidd Stood–Hamborg) liggt ok 22 Kilometer in’n Noordoosten an de K 36.
De nächste Bahnhoff is so bi fiev Kilometer wied weg in’n Noorden de Bahnhoff Brest-Aasp an de Bahnlien Bremerhoben–Buxthu.
Footnoten
Kategorie:Oort Kategorie:Landkreis Stood