Mojenhörn () is en Oortsdeel von de Gemeen Greundiek (Samtgemeen Lüh) in’n Landkreis Stood, Neddersassen.
Fröher is Mojenhörn as egen Oort rekent worrn, warrt vondaag aver as Stratentog von Greundiek ankeken.
Geografie
Mojenhörn liggt as Stratendörp in de Masch an’n Diek langs de Elv in de Eerste Miel von Oolland. In’n Noordwesten vör Mojenhörn in de Elv liggt Lühsand.
De Öörd ümto sünd Heteln un Lülanden op dat annere Över von de Elv in’n Noordoosten, Elvdiek un Lüh in’n Süüdoosten, Greundiek in’n Süden, Huttfleet in’n Süüdwesten un Wetterndörp, de Sietwenn un Sandhörn in’n Noordwesten.
Historie
Verwaltungsgeschicht
De Oort hett vör 1852 to de Hauptmannschop Twielenfleet von dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk, de 1932 Deel von’n Kreis Stood worrn is.
De Oort hett fröher bi de Gemeen Twielenfleet bihöört. Eerst in de twete Hälft von dat 19. Johrhunnert is Greundiek en egenstännige Gemeen worrn, bi de denn ok Mojenhörn mit bihöört hett.
Inwahnertall
Religion
Mojenhörn is evangeelsch-luthersch präägt un höört to dat Kaspel von de Marienkark in Greundiek.
För de Kathoolschen is de Hillig-Geist-Kark in Stood tostännig.
Footnoten
Kategorie:Oort Kategorie:Landkreis Stood