Klint () is en lütten Oort in de Gemeen Fambossel in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Vier.

Geografie

De Oort liggt in de Lümbörger Heid. Dat Water ut dat Rebeed flütt över de Böhm af.

De Naveröörd sünd Kriegerweg in’n Noordoosten, Vier in’n Oosten, Küddelse in’n Süüdoosten, Gröönhagen in’n Süden, Fambossel in’n Süüdwesten, Adolfsheid in’n Westen un Lehmhorst in’n Noordwesten.

Historie

De Naam von’n Oort kummt von dat Klint an’n Süüdrand von’n Oort, also dat steile Över von de Böhm.

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Buurschop Vier in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Soltau in’n Kanton Wasra.

De Oort hett vör 1852 to de Huusvaagdie von de Amtsvaagdie Fambossel-Soltau tohöört un denn von 1852 bet 1885 to dat Amt Fambossel. Na 1885 weer dat in’n Kreis Fambossel. 1977 is dat Deel von’n Landkreis Soltau-Fambossel worrn, de siet 2011 Landkreis Heidkreis heet.

De Oort hett von öllers bi de Buurschop un later de Gemeen Vier mit bihöört, de an’n 1. März 1974 mit de Gemeenreform in Neddersassen Deel von de Gemeen Fambossel worrn is. Sietdem höört Klint binnen de Gemeen to de Oortschop Vier, de en egen Oortsvörsteiher hett.

Inwahnertall

Religion

Klint is evangeelsch-luthersch präägt un höört to dat Kaspel von de Dionysius-Kark in Fambossel.

För de Kathoolschen is de St.-Maria-Kark in Wasra tostännig.

Weertschop un Infrastruktur

För Klint is de freewillige Füürwehr Fambossel mit tostännig.

Verkehr

An Klint löppt de Landsstraat 163 langs, de in’n Noordoosten över Vier na Derpmark (dor an de Bundsstraat 440 anbunnen) un na Soltau geiht un in’n Süüdwesten na Fambossel. De L 163 is in Fambossel an de B 209 anbunnen.

De nächste Autobahn is de Autobahn 7 (Afsnidd Hamborg–Hannover). De Opfohrt 47 Fambossel liggt so veer Kilometer in’n Süüdwesten von Klint an de B 209.

De nächste Bahnhoff is so bi dree Kilometer wied weg in’n Süüdwesten de Bahnhoff Fambossel an de Heidbahn.

Footnoten

Kategorie:Oort Kategorie:Landkreis Heidkreis